Arı dəstəsi təyyarənin uçuşuna mane oldu
Hindistanın "Alliance Air" aviaşirkətinin təyyarəsi arı dəstəsinin hücumuna məruz qalıb.
Heydərabaddan Punaya uçuş həyata keçirməli olan təyyarənin ön şüşəsi arılarla örtülüb. Bununla əlaqədar uçuş təxirə salınıb.
Arıları xüsusi aerozollar vasitəsilə uzaqlaşdırmaq mümkün olub. Arı hücumu təyyarənin qapıları bağlandıqdan sonra başladığı üçün hadisə nəticəsində xəsarət alan olmayıb.