ANA SƏHİFƏ / YAZARLAR

Çevrilmiş maşın və qəzadan sonrakı həyat...

Ceyhun MUSAOĞLU

86938    |   2017-06-17 14:13
Şriftin ölçüsü:
A+ Böyütmək
A+ Balacalaşdır

Əgər ölməmisənsə, deməli, sənə heç nə olmayıb - çevrilmiş avtomobilin içərisində düşündüyüm ilk fikir bu oldu. Sonra qızımı səslədim, "sağam" dedi, sonra yoldaşım da "ölməmişəm" cavabı verdi.

Kəməri aça bilməyib arasından sivişib pəncərədən çölə çıxdım. Qızım ağlayırdı, adamlara "onu xilas edin" deyə, bağırdım. Minnətdarlıq etməyə söz yoxdur, onlar mələklərə döndülər. Qızım xilas oldu. Yoldaşımsa, ona halaldı, toxtaq idi. Deyirdi:"Qorxma, sağam. Bircə bu dar yuvadan çıxa bilim".Onu da çıxartdıq.
Ölüm-itim çox görmüşəm. Hadisədən zərrə də şoka düşmədim. "Cerato" KİA, "RİO" KİA-ya dəydi, RİO əvvəl böyrü üstə, sonra arxası üstə çevrildi. Olduq kəllə-mayallaq. Tanış mənzərə idi. 1995-ci il, Qazaxın Bala Cəfərli kəndində traktorla "pozitsiya"ya qalxırıq. Əsgərlər qaça-qaça gəlib ərazidə mina olduğunu dedilər. Sürücü özünü çaşdırb, traktoru sağa sürdü, ora da dərə. Aşdıq. O, öldü. Mən sanki bu gün üçün məşq edirdim, çətinliklə qurtuldum.

***

Eynisini Naxçıvani küçəsi ilə Ağasadıq Gəraybəylinin kəsişməsində yaşadım. Yolumun dibində "yol ver" nişanı varmış. Ağacların qanadları uzanıb və işarə görünməz olub. Görünməzliyin qaranlığına düşən təkcə mən deyilmişəm, haraya gələ axsayan qadın, üzündə çapığı olan oğlan bu yerdə eyni aqibəti yaşadığını dedilər.
Baş yoldan gələn sürücü də dostumdur. Gəldi, vurdu. 3 gün öncə ona çoxdandı görüşmədiyimizi yazmışdım. Avtomobildən düşüb, məni gördü və dedi:"Buyur, görüşdük".
Mənim avtomobilim ələ gələn deyil, onun avtomobilinin də qabağı yoxdur. İnsanlığımızsa sap-sağlam yerindədir. Hadisə baş verəndə ölmədiyimiz üçün qucaqlaşdıq, ayrılanda hələ də sağ qaldığımız üçün. Ölməmisənsə, sənə heç nə olmayıb.

***

Qohumlarıma, dostlarıma, həmkarlarıma, millət vəkillərimə, iş yoldaşlarıma, Facebbok dostlarıma o qədər minnətdaram ki... Onların diqqətinə, məhəbbətinə, qayğısına adekavat cavab verim deyə, Allah məni mütləq ikinci dəfə yaratmalıydı. Bir ömür bəs etməz dostlarımın diqqət, qayğı və yaxşılıqlarının qarşısına çıxmağa.
Azərbaycanda - Sizin aranızda yaşamaq çox gözəldir. Dostumla toqquşdum, dostlar ölümdən qurtardı, dostların dəstəyi ilə psixoloji baryeri aşdıq. Vətən dostlarmış. Söz verirəm, heç vaxt ölməyəcəm. Sizi də qoruyacam, göz bəbəyim kimi. Beləcə şad və xürrəm yaşayacağıq bir yerdə.

***

Mən aşan avtomobilin içərisində anladım ki, yeganə səadət sevdiklərinlə bir yerdə yaşamaqdır. Elə orada - çevrilmiş avtomobilin içərisində ailənlə birgəsənsə və dostların da hərəsi öz evində, öz aşmamış avtomobillərində sağdırlarsa, hər şeyin var demək. Şanslı adamsan, xoşbəxt adamsan.Yaşa, çevrilmiş avtomobili özünün ən geniş dünyan bilib, onun içərisində yaşa!



İmza:

YAZARIN ARXİVİ

2017-03-17 : Cəhənnəmə ki!
2012-08-14 : QIZIL HƏFTƏ
2010-05-15 : Biz dəliyik
2010-01-16 : Vağzal adamları
2009-12-31 : Mənim ilim
2009-04-18 : UZUN GECƏ...
2009-01-31 : Robot əxlaqı
2008-05-24 : Bomba klip
2008-02-16 : Murdar qocalar
2007-12-19 : HƏMİN HAVADI
2007-11-21 : Uç badam bir qoz
SON XƏBƏRLƏR
2018-04-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ

70-ci illərdə İranın bir «Qeysər» filmi vardı. Qısa, 3 nəfər Qeysərin bacısını zorlayır, özləri isə Qeysəri tutdururlar. Vaxt keçir, Qeysər həbsxanadan çıxır. Onun da bir adəti olur, ayaqqabısının dabanlarını tapdayıb geyinir. Elə ki barmağını salıb ayaqqabının dalını düzəltdi, deməli, kimisə, yəni daha dəqiq desək, bacısını zorlayanlardan kimisə öldürəcək. Beləliklə, Qeysər ayaqqabılarının dabanını düzəldə-düzəldə bacısının qisasını alır.

Həmin vaxt dəbə düşmüşdü. Şəhərdə və eləcə də rayonlarda özlərini Qeysərə oxşadan oğlanlar peyda olmuşdular, ayaqqabılarının dabanını tapdayıb geyinirdilər.

Deməli, Ağdamda 4-5 cavan küçədə «Qarabağ»ın məşhur futbolçusu və «Qarabağ»ın Lobanovskisi Adil Nadirovla rastlaşırlar. Adil görür ki, cavanların içində özündən razılarından biri ayaqqabılarının dabanını tapdayıb geyinib, onu saxlayır və deyir:

- Ə, qaqa, ayaqqabılarının dabanını niyə tapdamısan, sənin də bacını…





digər lətifələr
ARXİV
FACEBOOK