ANA SƏHİFƏ / YAZARLAR

DINIŞKA

15302    |   2017-06-16 22:06
Şriftin ölçüsü:
A+ Böyütmək
A+ Balacalaşdır

Hesablayıblar, 77777 nəfər vətəndaşımız cibində jurnalist vəsiqəsi gəzdirir. Koroğlunun dəlilərindən də 10 dəfə çox. Kinoda yox ha, dastan variantında. Kino məsələsini başqa bir səbəbdən ona görə açıqlayıram ki, bəzi qələm və vəsiqə sahibləri hansısa bədii filmə baxıb, onu əsəri oxumuş kimi şərh edir və göyərçin buraxırlar. Başqa bir anlamda quşbazların da işinə qarışırlar.
Başa düşürəm ki, bu mövzu bütün peşəkarlar üçün ağrılı bir yerdir, hətta xəcalətlidir. Ancaq əlac da yoxdur, dözməliyik. Demokratiyanın əsas prinsiplərindən biri də budur ki, jurnalist ixtisaslı kadr mətbuatdan başqa heç yerdə (məsələn: həkim, müəllim, baytar, bank və iqtisadiyyat mütəxəssisi, seysmoloq, meteoroloq, gəmi şturmanı, metro dispetçeri və s.) işləyə bilməz, ancaq istinasız olaraq bu cür peşə sahiblərindən hər biri qəzet və jurnallarda, radio və televiziya kanallarında, elektron mətbuat vasitələrində çalışa bilər, rəhbərlik də edə bilər, peşəkarlara dərs də (?) keçə bilər, eyni zamanda cürbəcür vəsiqələr də paylaya bilər. Kimə gəldi... Sanki məmləkətin hansısa "kəşf olunmamış" ərazilərində gizli sexlər yaradılaraq konveyer üsulu ilə jurnalist istehsal edirlər. İstehsalatın bu sahəsi, çox qəribədir ki, 2010-cu ildən daha intensiv xarakter alaraq yeni inkubasiya metodları kəşf etməkdədir.
Nə oldu, bəs deyirdiniz biz şair xalqıq, söz-sənət aşiqiyik? İndi heç 15 nəfər də əsl şair qalmayıb. Şeir yazanların da çoxu qəzetlərə axışır, o çoxəsrlik imic də sürətlə korlanır. Eybi yox, heç olmasa onlar poeziya ilə jurnalistikanı birləşdirərək "modern" bir janr yaratmağa səy göstərir, nəsə bir iş görürlər. Ancaq janrlardan düz-əməlli başı çıxmayan, Azərbaycan ədəbi dilini, eyni zamanda qəzet dilini bilməyən o "yadplanetlilərə" nə deyəsən? Bu cəhənnəm, illərlə bircə dənə yazı yazmayan (yaza bilməyən) "jurnalistlərin" ədasına, xalqla rəftarına necə dözəsən? Surxaylar, habillər...gkimi qanqsterlər-jurnalistlər həbs olunsa da vəziyyət bir elə düzəlmədi. Qohumlar, dostlar, yaxın adamlar, tanışlar şikayətlənirlər ki, indi reketçiliyin cəzasızlığı başqa bir məzmunda fırladılır. Jurnalistikadan başqa nəyə desən xidmət edən bu cür tiplər, yeni metod və üsullar icad edərək "cəbhə boyu" hücumdadılar. Sağlam tənqid yoxdur və olmayacaq - onun kitabı çoxdan bağlanıb. Ən vacib məsələ böhtan, şantaj, təhqir və arsenalda olan digər gizli (həm də çirkli, baktereoloji) silahlarla hücum, hücum, hücum... Alınırsa, "yadplanetlilər"in kefidir - yeni obyektlər seçilir və bölüşdürülür. Alınmırsa, daş qayaya rast gəlirsə, obyekt məhkəmədən-filandan söz salırsa, hətta canından bezib "samosud" mənşəli cəza-qisas tədbirlərini xatırladıb telefonu qapadırsa, vəziyyət bir başqa cür olur. Belədə Ostap Benderin ən zəif və savadsız törəmələri metodu dəyişirlər: "Mən demədim ki, mütləq bu yazını və ya şəkli verirəm; nəyə görə düşmənçilik etməliyik, gəlin dost olaq, mehriban olaq, hamımız bu vətənin övladları döyülükmü?.."
Daha bu məsələlərin arxası necə davam edir, necə yekunlaşır, bu, asılıdır "jurnalistin erudisiyasından" və "obyektin" səbir kasasından. Bir vacib məqamı da diqqətə çatdırmaq lazımdır ki, əksər hallarda məmurlar sonadək mübarizə apara bilmirlər. Müdafiə mexanizmini tam mənimsəmədiklərindən və ya tam müdafiə olunmadıqlarından. Ağrılı və müəyyən qədər də absurd reallıq budur. Çox kiçik istisnalarla təskinlik tapa bilsək də, bütövlükdə naşı və eyni zamanda piramida "yazarların", onların havadarlarının fəaliyyəti və münasibəti ucbatından əsl jurnalistika tədricən reanimasiyaya yaxınlaşır. Peşəkarlar birləşmək istəmirlər, birləşə bilmirlər... Hər nədirsə, o "yadplanetlilər" ki var, nizamlı şəkildə bir zamanların ən nüfuzlu və şirin peşəsi sayılan jurnalistikanı urvatdan salmaqdadırlar. Onlar öz hərəkətləri və "qeyri-təbii yaradıcılıqları" ilə jurnalistikanın anasını ağladırlar. Bizlərə də həmişə söylədiyim kimi, yad adam gözü ilə baxırlar. Elələrinin ucbatından adam işini, ixtisasını gizlətmək istəyir. Təsadüfən tanımayanlar ayırd edənə kimi gör nə qədər xəcalət təri tökməli olursan. Onda qala hələ bir vəsiqə də gəzdirəsən. 15 ildən yuxarıdır ki, mənim hansı işdə çalışmağımı təsdiqləyən vəsiqəm yoxdur. Alıb cibimdə gəzdirsəm nə olacaq ki?..

P.S. "Seyid və vəsiqə" mövzusuna da toxunacaqdım, yadımdan çıxdı. Həm də dostlar çox gözəl və ibrətamiz yazıblar, oxuyub ləzzət almışam.



YAZARIN ARXİVİ

2017-08-04 : VAMPYRUM
2017-06-16 : DINIŞKA
2017-05-19 : Qarik
2016-06-25 : QARTALI SEVMƏK
2015-09-19 : NOSTALJİ
2015-08-15 : ŞOTA
2015-08-09 : MAFİOZLAR
2015-07-07 : QARTALI SEVMƏK
2014-12-06 : KANYON
2014-08-26 : REGİON
2014-08-23 : REGİON
2014-08-09 : DAHİ
2014-08-02 : QARTALI SEVMƏK
2014-05-31 : SPARTAKiada
2014-03-20 : Novruz küləyi
2014-03-15 : ŞARJ
2014-02-15 : SVOBODA!
2014-01-11 : MİRAJ
2014-01-09 : KARDELEN
2013-09-18 : NEOVENDETTA?
2013-09-14 : I I I İSGƏNDƏR
2013-09-07 : XORA
2013-08-24 : TATUİRİZM?
2013-08-03 : SFİNKS
2013-07-27 : PSİTTAKİFORMES
2013-04-02 : SÖZÜN ŞƏKLİ
2012-10-20 : YUXU
2012-10-18 : STADİON
2012-08-25 : ALDIRMA, KÖNÜL!
2012-08-23 : PİS ADAM YOLDA
2012-05-01 : MAY GÜNÜ
2012-03-03 : VAMPYRUM
2011-08-13 : İki Koşevoy
2011-04-30 : VENDETTA?
2011-03-16 : SADƏCƏ...
2010-10-02 : ATA QATİLLƏRİ
2010-08-14 : YUXU
2010-07-17 : ALDIRMA, KÖNÜL!
2010-06-12 : VAMPYRUM
2010-05-01 : MAY GÜNÜ
2010-04-24 : MONOLOQ
2010-04-03 : SPARTAKiada
2010-02-20 : DERBİ
2009-12-19 : ÇƏTİN SÖHBƏT
2009-10-31 : İMLA QONAQLIĞI
2009-10-10 : SEZARIN QAYITMASI
SON XƏBƏRLƏR
2017-10-21


VİDEO
YAZARLAR
Seyfəddin Altaylı
Əbülfət MƏDƏTOĞLU
Nicat Novruzoğlu
Oğuz Ayvaz
Əbdürrəhim bəy Haqverdiyev
Fəridə RƏHİMLİ
Əlövsət Bəşirli
FAİQ QİSMƏTOĞLU
Cəlil Məmmədquluzadə
İradə TUNCAY
Məzahir Əhmədoğlu





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Atletiko"ya qalib gələcəkmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
İki satıcı öz fırıldaqlarından məharətlə danışır:
-Bilirsən, mən bir axmağa kivi adı ilə kartof satmışam.
-Eh, bu nədi ki, mən birinə doğurçu adı ilə oyuncaq tutuquşu satmışam.
-Bunun nəyi qəribədi ki?
-Mən sonra ona quş üçün yemək də satmışam.




digər lətifələr
ARXİV
FACEBOOK