ANA SƏHİFƏ / GÜNDƏM

Polis əməkdaşları mükafatlandırıldılar

3099    |   2017-06-14 17:12
Şriftin ölçüsü:
A+ Böyütmək
A+ Balacalaşdır

IV İslam Həmrəyliyi Oyunları zamanı qarşıya qoyulmuş tapşırıqların icrasında xüsusilə fərqləndiklərinə görə daxili işlər naziri, general-polkovnik Ramil Usubovun əmri ilə mükafatlandırılmış polis əməkdaşlarına mükafatların təqdim edilməsinə həsr olunmuş mərasim keçirilib.

 Daxili İşlər Nazirliyindən verilən məlumata görə, tədbiri açan nazir Ramil Usubov ölkə Prezidenti cənab İlham Əliyevin siyasi iradəsi, qətiyyəti və gərgin əməyi, Azərbaycanın Birinci vitse-prezidenti xanım Mehriban Əliyevanın çox böyük təşkilatçılıq bacarığı və xidmətləri sayəsində ötən ay respublikamızda IV İslam Həmrəyliyi Oyunlarının yüksək səviyyədə təşkilini məmnunluqla xatırladıb. Bu beynəlxalq əhəmiyyətli tədbir zamanı ictimai asayişin təmin edilməsinə cəlb olunan 12 mindən çox əməkdaşın və hərbi qulluqçunun qarşıya qoyulmuş vəzifələrin öhdəsindən layiqincə gələrək əsl vətənpərvərlik və peşəkarlıq nümayiş etdirdiklərini vurğulayıb. Yarışların ölkəmizin adına və nüfuzuna layiq təhlükəsizlik və əmin-amanlıq şəraitində keçirilməsi üçün böyük bir fəaliyyətin ortaya qoyulduğu, belə nümunəvi və fədakar xidmətin həm xalqımız, həm də ölkəmizə gəlmiş çoxsaylı qonaqlar, turistlər və idmançılar tərəfindən razılıqla qarşılandığı qeyd edilib. Dövlət başçısının tapşırığı ilə İslamiada zamanı xidməti vəzifələrini nümunəvi yerinə yetirdiklərinə, ictimai qaydanın və təhlükəsizliyin təminində yüksək peşəkarlıq göstərdiklərinə görə daxili işlər nazirinin müvafiq əmrləri ilə 643 əməkdaş və hərbi qulluqçunun mükafatlandırıldığı diqqətə çatdırılıb. Sonra təltif olunanlardan mərasimə dəvət olunmuş 50 əməkdaşın siyahısı elan edilib və nazir Ramil Usubov mükafatları təqdim edərək fərqlənənləri bir daha təbrik edib.


İmza:
SON XƏBƏRLƏR
2017-12-12


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Birlikdə 50 il ömür sürmüş ər-arvad boşanma üçün hakimin qarşısına çıxırlar. Kişinin 77, qadının 75 yaşı var. Hakim:
- 50 il birlikdə ömür sürmüsünüz, ayıb deyilmi, boşanırsınız?
Kişi əsəbiləşir:
- Yoldaş hakim, neynəyib dözmüşəm, sevmişəm deyə səsim çıxmayıb, amma hayasız qudurub, mən yatandan sonra mənim protez dişlərimi geyinib sarımsaq yeyir!




digər lətifələr
ARXİV
FACEBOOK