adalet.az header logo
  • Bakı 13°C
  • USD 1.7
10 Iyun 2017 10:10
11323
SİYASƏT
A- A+

İki deputatımız Rumıniyaya gedir

Milli Məclisin Ailə, qadın və uşaq məsələləri komitəsinin sədri Aqiyə Naxçıvanlı və deputat Sahibə Qafarova "Qadınlara və qızlara qarşı zorakılığa son qoyulması naminə qanunların işlənməsinin təşviqi” mövzusunda Mərkəzi və Şərqi Avropa Regional Konfransında iştirak etmək üçün iyunun 11-də Rumıniyanın paytaxtı Buxarestə səfər edəcəklər.

Milli Məclisin mətbuat xidmətindən verilən məlumata görə, yığıncaqda qadınlara qarşı və məişət zorakılığının qarşısının alınması istiqamətində qanunvericiliyin təkmilləşdirilməsi, gender bərabərliyinin təmin olunması, qadınların ictimai həyatda rolunun artırılması, bununla bağlı maarifləndirmə işinin həyata keçirilməsi barədə fikir mübadiləsi aparılacaq.

Millət vəkilləri ölkəmizdə qadın hüquqlarının qorunması sahəsində qəbul olunan qanunlar, onlara göstərilən dövlət qayğısı barədə məlumat verəcəklər.

Səfər iyunun 15-də başa çatacaq.