Uşaqlar Günü Teatrda qeyd olunacaq
1 İyun - Uşaqların Beynəlxalq Müdafiəsi Günü Azərbaycan Dövlət Musiqili Teatrında qeyd olunacaq.
Teatrın mətbuat xidmətindən Adalet.az-a bildirilib ki, 67 ildir dünyada qeyd olunan Uşaqların Beynəlxalq Müdafiəsi Günü münasibəti ilə Musiqili Teatrda konsert proqramı təşkil olunacaq.
UNESCO-nun assosiativ məktəblər şəbəkəsinin üzvü olan Bakı Avropa Liseyinin təşkilatçılığı ilə baş tutacaq tədbirdə şagirdlərin ifasında dünyanın bir sıra xalqlarının rəqsləri nümayiş olunacaq.