Şəkidə azyaşlını sahibsiz it dişləyib
Şəkidə azyaşlı sahibsiz itin hücumuna məruz qalıb.
Adalet.az xəbər verir ki, Şəki Mərkəzi Rayon Xəstəxanasından (MRX) APA-nın
Şəki-Zaqatala bürosuna verilən məlumata görə, mayın 17-də rayonun Kiş
kənd sakini, 2008-ci il təvəllüdlü Tunar Murad oğlu Alıyev it dişləməsi
xəsarəti ilə xəstəxanaya daxil olub. Müayinə zamanı məlum olub ki, uşaq
küçədə oynayarkən sahibsiz it hücum edərək, sol sarğı nahiyəsindən
dişləyib. Tunar Alıyevə lazımı tibbi yardım göstərilib, quduzluq
əleyhinə peyvənd edildikdən sonra evə buraxılıb.