Hacı dayı restoranda doyunca yeyib-içib, durur ayağa. Yıxıla-yıxıla çıxır küçəyə, başlayır taksi gözləməyə. Gec olduğu üçün taksi görünmür. Bunu uzaqdan tini düz görən birisi ürəyində deyir ki, yaxşı düşüb əlimə, gecə qara, cücə qara, ayaq üstə gücnən durur, bir təhər sürüyə-sürüyə aparım evlərinə, bəlkə cibində bir şey oldu. Gəlib girir kişinin qoluna. Deyir:

- Ay canoo yiyim, ölməmişəm ki... Gə, səni öyoza aparım.

Dalda yerdə əlini salıb onun cibinən bir qızıl onluq götürür. Qapısından içəri buraxıb sevinə-sevinə geri qayıdır.

Aradan bir müddət keçir. Hacı dayı yenə həmin yerdə tinini düzəldib yola çıxır. Taksi gözləyəndə o adam hardansa peyda olub deyir:

-Gə, səni öyoza aparım.

Hacı dayı qolunu dartıb dillənir:

-E, sən baha aparırsan. Taksi sərfəlidi, bir manata minif gedərəm.