Bakıda keçirilən IV İslam Həmrəyliyi Oyunlarında Azərbaycan millisinin daha bir boksçusunun rəqibi bəlli olub.

Yarışın Əməliyyat Komitəsindən verilən məlumata görə, 60 kq çəki dərəcəsində mübarizə aparacaq Cavid Çələbiyev 1/4 finalda Hakan Doğanla (Türkiyə) üz-üzə gələcək.

Dünya çempionumuzun rəqibi bu gün keçirilən 1/8 final döyüşündə müəyyənləşib. Yoel Volliamsonu (Qayana) mübarizədən kənarlaşdıran türkiyəli idmançı ilk mərhələdən azad olan təmsilçimizlə qarşılaşmaq hüququ əldə edib.

Çələbiyevin türkiyəli boksçu ilə görüşü mayın 14-də olacaq.