ABŞ onlarla savaşı dayandırdı
ABŞ ordusu Somali sularındakı quldurlarla mübarizə aparmayacaq.
Adalet.az xəbər verir ki, bu sözləri ABŞ Müdafiə naziri Ceyms Mettis Şərqi Afrika ölkəsi Cibutiyə səfəri çərçivəsində ABŞ-ın Afrikadakı qüvvələrinin komandanı general Tomas Voldhozerlə görüşü zamanı deyib. O, son illərdə Somali sahillərində və Ədən körfəzi ətrafında quldurluq fəaliyyətlərinin artması haqda ABŞ-ın münasibətini ortaya qoyub:
"Somali sularında quldurluq problemi davam etsə belə, ABŞ ordusunun müdaxilə etməsi üçün ciddi səbəb olmadığını düşünürəm”, - deyə o bildirib.
Qeyd edək ki, Qırmızı dənizə və Ərəb dənizinin Ədən körfəzinə çıxışı olan Cibutidə hazırda Fransa, ABŞ, İtaliya və Yaponiyanın hərbi bazası var. Yaxın zamanda bölgədə Çinin də baza açacağı planlaşdırılır.