Azərbaycan şirkətlərinə məxsus yüklərin Ukraynada oğurlanması məsələsi Radada qaldırılacaq
Azərbaycan şirkətlərinə məxsus yüklərin Ukraynada oğurlanması ilə bağlı məsələ Ali Radada (parlament) qaldırılacaq.
Adalet.az xəbər verir ki, bu barədəAPA-ya açıqlamasında Ukrayna-Azərbaycan Parlamentlərarası İşçi qrupunun rəhbəri Maksim Kuryaçie bildirib.
O qeyd edib ki, Ukrayna Azərbaycanlılarının Birləşmiş Diasporunun sədri Hikmət Cavadovun müraciəti əsasında o, ölkənin hüquq-mühafizə orqanlarının rəhbərlərinə rəsmi sorğu göndərib:
"Bu günlərdə sorğuma cavab veriləcək və bunun əsasında Radanın gələn həftə keçiriləcək plenar iclasında bu məsələni müzakirəyə çıxaracağam. Bizim üçün uzun illərdir dost olan ölkəyə məxsus şirkətlərə, iş adamlarına qarşı bu kimi əməllər, əlbəttə ki, bizi də ciddi narahat edir. Azərbaycanlılar Ukraynanın həyatında olduqca fəaldırlar və biz buna əngəllər yaradılmasına imkan verə bilmərik. Hesab edirəm ki, Ali Rada da bu məsələni nəzarətə götürərək, lazımiaddımlar atacaq”.
Qeyd edək ki, son günlər Ukraynada içərisində Azərbaycanın "Azərsun Holding”, "Veysəloğlu”, "Dapna LTD”, "Epidomed” və digər şirkətlərinə məxsus yüklərin olduğu 20-dək ağır tonnajlı maşınlar naməlum şəxslər tərəfindən oğurlanıb. Yük maşınlarında olan yüklərin hər birinin maddi dəyəri 200-300 min ABŞ dolları həcmində qiymətləndirilir.
Digər Xəbərlər
19 Aprel 2024 11:19
İsmayıllıdakı bazarda nöqsanlar aşkarlandı
19 Aprel 2024 10:17“ASAN xidmət” BMT ilə yeni layihəyə başlayır
18 Aprel 2024 15:06Vardanyanla bağlı Norveç Nobel Komitəsinə AÇIQ MƏKTUB
18 Aprel 2024 13:39Türkiyə-Rusiya Birgə Monitorinq Mərkəzinin fəaliyyəti dayandırılacaq
18 Aprel 2024 12:32