Bölmə iclasları qurtardıqdan sonra yekun toplantısı keçirən AzTU-nun rektor əvəzi Xalıq Yahudov "Elektron imza tətbiqinin üstünlükləri və aktual problemləri» mövzusunda keçirilən konfransın əhəmiyyətini qeyd edərək bütün təşkilatçılara öz təşəkkürünü bildirib.

Daha sonra universitetin Elm və texnika üzrə prorektoru İlham Pirməmmədov konfransın uğurlarından danışaraq qeyd edib ki, 3 bölmə üzrə təşkil olunan konfransa 90 məqalə təqdim olunub. Prorektor bölmə iclaslarını izlədiyini bildirib və iclaslarda məruzələrin maraqla dinlənildiyini vurğulayıb.

Tədbirdə bölmə iclasları rəhbərlərinin hesabatları dinlənilib və müzakirə olunub.