“Sumqayıt” klubu və futbolçuları 4000 manat məbləğində cərimələnib
Futbolçu Nicat Muxtarov hakimlər briqadasını təhqir edib.
AFFA İntizam Komitəsi "Sumqayıt” klubunu 4000 manat cərimələyib.
Adalet.az Report-a istinadən xəbər verir ki, Samir Abasovun baş məşqçi olduğu komandanın futbolçularının "Zirə” ilə Azərbaycan Premyer Liqasının XXVI tur matçındakı davranışları səbəb olub.
Klub 5 futbolçusunun sarı vərəqə alması ilə əlaqədar 800 manat ziyana düşüb. Oyun başa çatdıqdan sonra isə yarımmüdafiəçiNicat Muxtarovhakimlər briqadasını təhqir etdiyinə görə 4 oyun cəzalanıb, "Sumqayıt” isə 3200 manat cərimə olunub.
Qeyd edək ki, 1:1 hesablı heç-heçə ilə nəticələnən görüşü FİFA referisiƏliyar Ağayevidarə edib.