adalet.az header logo
  • Bakı 10°C
  • USD 1.7
17 Aprel 2017 22:37
6498
SAĞLAMLIQ
A- A+

Bu ağır xəstəliyin ilkin əlamətləri budur

Artrit və ya artroz oynaqların (eləcə də sümüklərin) xəstəliyi olub, qığırdaq toxumasının normal strukturunun zədələnməsi ilə müşayiət olunur. Normal vəziyyətdə oynaq qığırdaqları lövhə şəklində oynağın üzərində yerləşir və oynaqların ağrısız, maneəsiz hərəkətinə kömək edir, onları "yeyilməkdən”, sürtünmədən qoruyur. Xəstəlik inkişaf etdikcə onlar sürtünərək tədricən nazikləşir və bir müddət sonra oynaqların səthinin çılpaqlaşmasına səbəb olur. Oynaqlar deformasiyaya uğrayır, hərəkətlər də azalır və təbii ki, güclü ağrılarla müşayiət olunur.

Adalet.az xəbər verir ki, müalicəyə çətin yatan və müsbət nəticə üçün uzun müddət tələb edən xəstəlik olmasına baxmayaraq, dünyanın bir sıra inkişaf etmiş ölkələrində, xüsusilə Almaniya, İtaliya, Belçika kimi ölkələrdə oynaq xəstəliklərindən əziyyət çəkən insanlar çox uğurla müalicə olunurlar. Bu uğur müasir tibb aləmində yenilik olan biotənzimləyici təbabətlə əldə olunur. Məhz biotənzimləyici təbabət sayəsində inkişaf etmiş ölkələrdə müxtəlif xroniki xəstəliklərlə üz-üzə qalmış insanlar sağlamlıqlarına qovuşa bilirlər.

Bu unikal təbabət sahəsi Yaxın Şərq, eləcə də keçmiş MDB ölkələri arasında yeganə mərkəzdə - Azərbaycanda Bioloji Təbabət klinikasında tətbiq edilməkdədir. Biotənzimləyici təbabətin unikallığı onun orqanizmin özünümüdafiə və özünütənzimləmə sistemlərini aktivləşdirməklə, orqanizmi ziyanlı maddələrdən (xəstəliyə gətirib çıxaran toksinlər) azad etməklə müalicə etmə imkanlarındadır. Bu təbabətdə istifadə olunan dərmanlar nano dozada (hüceyrə səviyyəsində təsir edə biləcək dozada) olduğu üçün zədələnmiş hüceyrələrə asanlıqla daxil olur, onların funksiyasının tez zamanda bərpasına gətirib çıxarır. Toxumada toplanmaması hesabına isə öyrəşmə vermir, tam ziyansızdır. Biotənzimləyici təbabətə müraciət edən artit və artrozdan əziyyət çəkən pasiyentlərdə regenerasiyanın (bu halda qığırdağın bərpası) sürətlənməsi müşahidə olunmuş, tez zamanda tam sağalma əldə olunub.

Qeyd edək ki, xəstəliyin ilkin əlamətləri - yüngül keçici ağrılar, hərəkətlər zamanı oynaqların mütəmadi olaraq şıqqıltısıdır. Bu mərhələdə aparılan profilaktika tədbirləri əksər hallarda xəstəliyin qarşısını almış olur.