Lapşinin həbs müddəti uzadılıb
Bu gün Nəsimi Rayon Məhkəməsində blogger Aleksandr Lapşinin barəsində seçilmiş həbs qətimkan tədbirinin uzadılması ilə bağlı istintaq orqanlarının verdiyi təqdimata baxılıb.
Adalet.az xəbər verir ki, "Report"un əldə etdiyi məlumata görə, hakim Babək Pənahovun sədrliyi ilə keçirilən prosesdə qərar elan olunub. Qərara əsasən, məhkəmə təqdimatı təmin edib, A.Lapşinin barəsində seçilmiş həbs qətimkan tədbiri üç ay müddətinə artırılıb.
Qeyd edək ki, Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsində istintaqı aparılan cinayət işi üzrə ayrı-ayrı dövlətlərin vətəndaşlığını daşıyan A.Lapşin Azərbaycan Respublikasının dövlət sərhədini qanunsuz olaraq keçmə, ərazi bütövlüyünü parçalamağa yönələn açıq çağırışlar etmə əməllərinə görə təqsirləndirilən şəxs qismində cəlb edilib beynəlxalq və dövlətlərarası axtarışa verilməsi ilə əlaqədar 2016-cı il dekabrın 15-də Belarus Respublikasının hüquq-mühafizə orqanları tərəfindən Minskdə saxlanılaraq, 2017-ci il fevralın 7-də Azərbaycan Respublikasına ekstradisiya olunub.
Digər Xəbərlər
27 Mart 2024 16:45
Azərbaycan beynəlxalq axtarışda olan Özbəkistan vətəndaşlarını təhvil verdi
21 Mart 2024 22:23Boşananda mərc oyunlarından qazanılan gəlir də bölünəcək - Ali Məhkəmədən qərar
15 Mart 2024 11:48Baş Prokurorluq bələdiyyə torpaqları ilə bağlı vətəndaşlara müraciət etdi
14 Mart 2024 13:16Ülvi Həsənli və Sevinc Vaqifqızı ilə bağlı YENİ QƏRAR
13 Mart 2024 18:00