Adalet.az-ın məlumatına görə, hakim Faiq Qəniyevin sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə N.Əkbərzadə 10 il 6 ay müddətinə azadlıqdan məhrum edilib.

İttihama görə, 2016-cı il oktyabrında Bakı şəhər sakini Dilarə Hüseynova açıq kəllə-beyin travması, baş beyinin ağır əzilməsi və digər xəsarətlərlə xəstəxanaya yerləşdirilib. Yaralı xəstəxanada dünyasını dəyişib. Araşdırmalar zamanı qadının həyat yoldaşı N.Ələkbərzadə tərəfindən taxta parçası ilə döyüldüyü müəyyənləşib və o, saxlanılıb.