Hüsnü Mübarək 6 illik həbsdən sonra evinə qayıdıb
Misirin sabiq prezidenti Hüsnü Mübarək Qahirənin Maadi rayonunda yerləşən hərbi hospitaldan çıxaraq, 6 illik həbsdən sonra evinə qayıdıb.
Adalet.az-ın APA-ya istinadən xəbərinə görə, bu barədə "Əl-Məsri əl-Yaum” nəşrinə eks-prezidentin vəkili Fərid əd-Dib məlumat verib.
Qeyd edək ki, bu il martın əvvəllərində Qahirənin kassasiya məhkəməsi 2011-ci ilin yanvarında baş vermiş iğtişaşlarda nümayişçilərin ölümü ilə bağlı cinayət işi üzrə eks-prezident barəsində bəraət qərarı çıxarıb. Bunun ardınca Baş Prokurorluq H.Mübarəkin həbsdən azad edilməsinə razılıq verib.
88 yaşlı eks-prezident səhhətindəki problemlərlə əlaqədar hərbi hospitalda müalicə olunurdu.
H.Mübarəki evində ailə üzvləri və vəkili qarşılayıb.
"O, ailə üzvləri və dostları ilə bilikdə ənənəvi Misir yeməkləri ilə səhər yeməyi yeyib”, - deyə əd-Dib bildirib.
H.Mübarək 2011-ci ilin yazında həbs olunub. 2012-ci ildə - "Müsəlman qardaşları” təşkilatının nümayəndəsi Məhəmməd Mursi hakimiyyətdə olarkən məhkəmə onun barəsində ömürlük həbs hökmü verib.
Lakin 2014-cü ildə hərbçilər M.Mursini devirərək, hakimiyyətə gəldikdən sonra H.Mübarək bəraət alıb.
Məhkəmə 2016-cı ildə H. Mübarək və oğlanlarını yalnız korrupsiya cinayətlərində təqsirli bilib, eks-prezident barəsində bir iş üzrə 3 illik həbs cəzası çıxarılıb. H. Mübarək bu həbs müddətini çəkdiyi üçün azadlığa buraxılıb.
Digər Xəbərlər
24 Aprel 2024 14:37
Prezident qırğızıstanlı həmkarını COP29-a dəvət edib
24 Aprel 2024 14:36Azərbaycan və Qırğızıstan Dövlətlərarası Şurasının ikinci iclası keçirilib - FOTOLAR + YENİLƏNİB
24 Aprel 2024 14:29Azərbaycan-Qırğızıstan sənədləri imzalanıb - YENİLƏNİB
24 Aprel 2024 14:12Prezidentin uğurumuzun səbəbləri ilə bağlı açıqlaması bəzilərinə ciddi siqnaldır
24 Aprel 2024 14:00