Somalinin paytaxtı Moqadişoda bir otelin qarşısında bomba yüklənmiş maşın partladılıb.

Adalet.az xəbər verir ki, terror nəticəsində azı 8 nəfər həlak olub, 7 sakin yaralanıb.

Hələ ki, heç bir qruplaşma terroru üzərinə götürməsə də, hücumun Əş-Şəbab təşkilatı tərəfindən həyata keçirildiyi ehtimal olunur.

Qeyd edək ki, daha çox insanların ağır şərtlər altında yaşaması, körpələrin aclıqdan ölməsi ilə gündəmə gələn Somalidə tez-tez terror hücumları baş verir.