Öncə Yunus Əmrə İnstitutun direktoru İbrahim Yıldırım çıxış edərək qonaqları salamlamış, həyata keçirilən "Oxuma günləri” layihəsinin ilboyu davamlı edəcəyini və daha geniş tərkibdə keçiriləcəyini diqqətə çatdırmışdır.

Bakı Dövlət Universitetinin Türkologiya fakültəsinin müəllimi, dosent Aydan Xəndam Yəhya Kamal yaradıcılığıyla tanışlığından söhbət açmış, onun şeirlərini səsləndirmişdir.

Azərbaycan Yaradıcılıq fondunun aparat rəhbəri, şair Qismət Rüstəmov tədbir iştirakçılarınaY. Kamal haqda ətraflı məlumat verərək onu Türk ədəbiyyatının önəmli imzalarından biri olaraq türk şeirində yenilik etməyi bacaran şair adlandırmış, şairin ölümündən sonra çıxan kitabından şeirlər oxumuşdur.

Marmara Universitetinin (Türkiyə) müəllimi Mehdi Gəncəli Yəhya Kamalın İstanbul sevgisindən bəhs etmiş, onun "İstanbul" şeirini səsləndirmişdir.

Tədbirdə tələbələrin ifasında Yəhya Kamalın şeirləri səsləndirilmiş, onun haqqında sələflərinin fikirləri oxunmuşdur.

Sonda tələbələrin sualları cavablandırılmışdır.