Hindistanın Cammu və Kəşmir ştatında hərbi konvoya edilən silahlı hücum nəticəsində ən azı 3 hərbçi ölüb, daha 4 nəfər yaralanıb.

Adalet.az xəbər verir ki, bu barədə NDTV telekanalı məlumat yayıb.

İnsident cümə axşamına keçən gecə ştatın Şopian dairəsində, hərbçilər kontr-terror əməliyyatından geri qayıdan zaman qeydə alınıb.

Silahlılara cavab atəşi açılsa da, onlar ərazidən uzaqlaşa biliblər. Atışma zamanı hərbçilərlə yanaşı evində ikən güllə yarası alan qadın da ölüb.