Bakıda ikinci türk şeir gecəsi keçirildi
Fevralın 14-də Nizami Kino Mərkəzində "Söz” ədəbi layihəsi çərçivəsində "Xəzərdə eşqin səsi” adlı ikinci türk şeir gecəsi keçirilib.
Adalet.az xəbər verir ki, Mədəniyyət və Turizm Nazirliyi və Bakı Yunus Əmrə İnstitutunun təşkilatçılığı ilə baş tutan gecədə Milli Məclisin deputatları, mədəniyyət və ədəbiyyat xadimləri, elm adamları iştirak ediblər.
Üç hissədən ibarət gecədə teatr sənətçiləri tərəfindən türk və Azərbaycan dillərində şeirlər səsləndirilib, "Savalan” musiqi qrupunun və müğənni Lalə Məmmədovanın ifaları dinlənilib.
Gecədə Yunusdan Mövlanəyə, Orxan Vəlidən Abdurrəhim Karakoça, Nəsimidən Şəhriyara, Mikayıl Müşfiqdən Hüseyn Cavidə dilimiz, tariximiz və gələcəyimiz bir olan qardaş Azərbaycan və Türkiyə xalqının ədəbiyyatları bir araya gəlib. Musiqi və şeirin vəhdətində qurulmuş kompozisiya gecəyə xüsusi ab-hava gətirib.