ABŞ prezidentinin milli təhlükəsizlik üzrə müşaviri istefa verib
ABŞ prezidentinin milli təhlükəsizlik üzrə müşaviri, general Maykl Flinn (Michael Flynn) istefaya gedib.
Adalet.az-ın xəbərinə görə, səbəb onun hələ vəzifəsinin icrasına başlamazdan öncə, prezident Donald Trampın andiçməsindən əvvəl, Rusiyanın ABŞ-dakı səfiri Sergey Kislyakla telefon danışıqlarında ona Rusiyaya qarşı tətbiq olunmuş sanksiyaların ləğv edilə biləcəyi barədə vəd verməsi olub.
M. Flinn D. Trampa ünvanladığı istefa məktubunda S. Kislyakla telefon söhbətləri barədə prezidenti tam məlumatlandırmadığını etiraf edib və həm dövlət başçısından, həm də vitse-prezident Mayk Pensdən üzr istəyib. Məktubun mətni "The Guardian” qəzetində çap olunub.
General Flinn qeyd edib ki, milli təhlükəsizlik üzrə müşavir kimi bir çox xarici həmkarına, nazirlərə və səfirlərə çoxsaylı telefon zəngləri edib. Məqsəd yeni prezident, onun müşavirləri və xarici liderlər arasında lazımi əlaqələri qabaqcadan yaratmaq olub: "Təəssüf ki, hadisələrin sürətli inkişafı üzündən mən Rusiya səfiri ilə söhbətlərim haqqında yeni vitse-prezidenti tam məlumatlandıra bilmədim. Mən qürurla istefaya gedirəm, çünki Amerika xalqına və ölkəmizə şərəflə xidmət etmişəm”.
Qeyd edək ki, M. Flinn və S. Kislyak arasında inauqurasiyadan əvvəlki telefon söhbətləri barədə "The Washington Post” fevralın 9-da məlumat yayıb. Telefon danışıqları ABŞ kəşfiyyatı tərəfindən dinlənilib. Qəzet telefon danışıqlarında sanksiyaların ləğvi mövzusuna da toxunulduğunu bildirib. M. Flinn vitse-prezident M. Penslə görüşündə sanksiya məsələsini müzakirə etmədiyini deyib. Lakin sonradan bunu etiraf edib.
Prezidentin milli təhlükəsizlik üzrə müşaviri vəzifəsinin icrası istefada olan general Kit Kelloqa həvalə olunub.
Digər Xəbərlər
28 Mart 2024 20:51
Azərbaycana qarşı informasiya təxribatı davam edir - Ülvi Quliyev yazır...
28 Mart 2024 19:22"Şuşa İƏT Gənclər Paytaxtı - 2024"ün keçirilməsinə dair öhdəlik protokolu imzalandı
28 Mart 2024 19:14Aİ Şurasının Siyasi və Təhlükəsizlik Komitəsinin üzvləri Azərbaycana gələcəklər
28 Mart 2024 16:50CAR lideri İlham Əliyevi təbrik edib
28 Mart 2024 15:33