Səfirlikdən verilən məlumata görə, tədbir zamanı iştirakçılara ilkin olaraq Azərbaycan barədə geniş məlumat verilib, müxtəlif video roliklər göstərilib, daha sonra isə "Xocalıya ədalət” kampaniyası çərçivəsində hazırlanıb, Xocalı soyqırımından bəhs edən film iştirakçılara təqdim edilib.

Bundan əlavə, İtaliyada yaşayan azərbaycanlı xoreoqraf Mais Nuriyevin rəhbərliyi altında fəaliyyət göstərən qrupun ifasında Xocalı soyqırımı qurbanlarının xatirəsinə xüsusi hazırlanmış tamaşa göstərilib.