Gömrükdə külli miqdarda dərman ələ keçirilib
Tovuz Gömrük İdarəsinin "Sınıq Körpü” gömrük postunun piyada idxal nəzarəti zonasında Azərbaycan Respublikası vətəndaşının əl yükünə rentgen cihazı ilə baxış zamanı, malların arasındakı elektrik qızdırıcısının içərisində şübhəli predmetlər müşahidə olunub.
Adalet.az-ın Dövlət Gömrük Komitəsinin saytına istinadən məlumatına görə, təkrar yoxlama nəticəsində isə gömrük orqanına əvvəlcədən bəyan edilməyən və gömrük nəzarətindən gizlədilən, hər birində 14 həb olmaqla 276 konvalyut "Lyrica (pregabalin)” adlı dərman preparatı aşkar edilib.
Eyni zamanda, məlum olub ki, içərisində dərman preparatları yerləşdirilən əl yükü, əslində onu gömrük nəzarəti zonasına daxil edən Azərbaycan vətəndaşına məxsus deyil. Həmin yük Gürcüstandan tranzit keçməklə Türkiyədən Azərbaycana gələn sərnişin avtobusunun sürücüsünün olub. İstanbul şəhərində yaşayan sürücü həmin yükü avtobusda işləyən şəxs vasitəsilə Azərbaycanın ərazisinə keçirməkdə köməklik göstərməsi üçün Azərbaycan vətəndaşına verib.
Qeyd edək ki, "Lyrica (pregabalin)” adlı dərman preparatının Azərbaycan Respublikasının ərazisində mülki dövriyyəsi qadağandır. Bu dərman preparatı "Güclü təsir edən maddələrin və onların külli miqdarının siyahısı”na daxildir. Faktla bağlı araşdırma aparılır.
Digər Xəbərlər
29 Mart 2024 09:59
Cinayət törətməkdə şübhəli bilinən 42 nəfər saxlanıldı
29 Mart 2024 09:50Xankəndidə silah-sursat aşkarlandı
28 Mart 2024 16:46Paytaxt sakininin telefon və çantasını talayan şəxs saxlanıldı - VİDEO
28 Mart 2024 12:23Xankəndidə silah-sursat aşkarlanıb
28 Mart 2024 11:46