AFFA milli komandamızın baş məşqçisi Robert Prosineçkinin "Bursaspor" klubu ilə razılığa gəlməsi haqda Türkiyə mətbuatının yaydığı xəbərlərə münasibət bildirib.

Qurumun Mətbuat və İctimaiyyətlə Əlaqələr Departamentinin rəhbəri Mikayıl Nərimanoğlu Qol.az-a açıqlamasında qısa olaraq deyib: "Robert Prosineçkinin bizimlə müqaviləsi var və o, müqavilənin şərtlərinə əməl edir".

Qeyd edək ki, 2014-cü ildə millimizlə 3 illik müqavilə imzalayan xorvatiyalı mütəxəssisin sözləşməsi bu ilin dekabrında başa çatacaq.