ANA SƏHİFƏ / İDMAN

Qurban Qurbanov: "Qalatasaray", "Fənərbağça" və "Beşiktaş"ı Azərbaycanda gözləyirik

9207    |   2017-01-18 16:43
Şriftin ölçüsü:
A+ Böyütmək
A+ Balacalaşdır

Son 3 ildə Azərbaycan çempionu olan və ölkəni son 3 mövsümdə avrokuboklarda təmsil edən "Qarabağ" futbol klubunun baş məşqçisi Qurban Qurbanov Türkiyənin "Anadolu" agentliyinə müsahibə verib.

9 ildir Ağdam təmsilçisini çalışdıran Q.Qurbanov müsahibəsində bildirib ki, Ermənistanın Azərbaycan ərazilərini işğal etməsi səbəbindən 24 ildir matçlarını paytaxt Bakıda keçirmək məcburiyyətində qalan "Qarabağ" klubundakı hər kəs öz torpağında oynamağı arzulayır:

"Avrokuboklarda mübarizə aparırıq, amma Avropanın tanınmış komandalarını öz torpaqlarımızda qarşılaya bilmirik. Lakin ümidimizi itirməmişik... Sağ olsun azarkeşlərimiz, bizi heç vaxt tək qoymurlar. Məğlub olanda da yanımızdadırlar. Avrokubok oyunlarında isə bütün Azərbaycan bizi dəstəkləyir".

Azərbaycanda Türkiyə futboluna böyük marağın olduğunu xatırladan Q.Qurbanov əlavə edib: "Azərbaycanda Türkiyə klublarına, xüsusilə də "Qalatasaray", "Fənərbağça" və "Beşiktaş"a azarkeşlik edirlər. Bu səbəbdən də bu üç böyük komandanı Azərbaycanda gözləyirik. Təbii ki, bu klublarla avrokuboklarda qarşılaşmaq daha maraqlı olardı".

Baş məşqçi ən çox bəyəndiyi türk futbolçunun Almaniyanın "Bayer Leverkuzen" klubunda oynayan Hakan Çalhanoğlu olduğunu bildirib.




İmza:Trend
SON XƏBƏRLƏR
2017-10-21


VİDEO
YAZARLAR
Seyfəddin Altaylı
Əbülfət MƏDƏTOĞLU
Nicat Novruzoğlu
Oğuz Ayvaz
Əbdürrəhim bəy Haqverdiyev
Fəridə RƏHİMLİ
Əlövsət Bəşirli
FAİQ QİSMƏTOĞLU
Cəlil Məmmədquluzadə
İradə TUNCAY
Məzahir Əhmədoğlu





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Atletiko"ya qalib gələcəkmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
İki satıcı öz fırıldaqlarından məharətlə danışır:
-Bilirsən, mən bir axmağa kivi adı ilə kartof satmışam.
-Eh, bu nədi ki, mən birinə doğurçu adı ilə oyuncaq tutuquşu satmışam.
-Bunun nəyi qəribədi ki?
-Mən sonra ona quş üçün yemək də satmışam.




digər lətifələr
ARXİV
FACEBOOK