ANA SƏHİFƏ / ELM VƏ TƏHSİL

Təhsil ekspertləri BDU-da imtahan sessiyasının gedişini izləyiblər - Foto

7781    |   2017-01-17 16:00
Şriftin ölçüsü:
A+ Böyütmək
A+ Balacalaşdır

Bakı Dövlət Universitetinin İctimai Nəzarət və Məsləhət Şurasının üzvləri, QHT, media və ictimaiyyət nümayəndələri, təhsil ekspertləri BDU-da keçirilən qış imtahan sessiyasının gedişi ilə tanış olublar.

Universitetin mətbuat və informasiya şöbəsindən Adalet.az-a verilən məlumata görə, öncə şura üzvləri imtahan prosesini izləyib və tələbələrlə müəyyən söhbətlər aparıblar. Sonra BDU-nun rektoru, akademik Abel Məhərrəmov, prorektorlar və dekanların iştirakı ilə tələbələrlə görüş keçiriblər. Universitetdə imtahanların təşkili barədə çıxış edən rektor Abel Məhərrəmov bildirib ki, imtahanlar bir qayda olaraq yazılı formada aparılır, zərurət yarandığı hallarda bəzi fənlər üzrə şifahi-dialoq və ya test formasında keçirilir.

İctimai Nəzarət və Məsləhət Şurasının sədri, professor Əjdər Ağayev Şura haqqında məlumat verib. Bildirib ki, BDU Elmi Şurasının qərarı ilə yaradılan İctimai Nəzarət və Məsləhət Şurasının əsas məqsədi maraqlı tərəflərin BDU-nun idarə olunmasında iştiraka cəlb edilməsi, onun fəaliyyətinə ictimai nəzarətin həyata keçirilməsi, universitetlə ictimaiyyət arasında səmərəli qarşılıqlı fəaliyyətin təşkili, universitetin fəaliyyətində aşkarlığın və şəffaflığın təmin olunması, əməkdaşlarının, təhsilalanların hüquqlarının müdafiəsi, fəaliyyətinin təkmilləşdirilməsi üçün təkliflərin verilməsindən ibarətdir. Şuranın əsas vəzifələri isə BDU-nun inkişaf strategiyası və proqramlarının formalaşdırılmasına, onun beynəlxalq, təhsil, elm, texniki, mədəni sahələrdə əməkdaşlığının inkişaf etdirilməsinə, dövlət, ictimai, işgüzar strukturlarla əməkdaşlığına yardım etmək, elm, təhsil və digər ictimai faydalı fəaliyyətini təbliğ etmək, BDU-nun intellektual və fiziki resurslarından istifadənin səmərəliliyini dəyərləndirməkdən ibarətdir. Ötən müddət ərzində Şura öz iş planına uyğun olaraq bir sıra tədbirlər həyata keçirib, tələbələrlə görüşüb, fikir və təkliflərini dinləyib, müəyyən məsələlər üzrə rektorluğa təkliflər verib. İlk dəfə olaraq BDU-da belə bir Şuranın yaradılması ictimaiyyət tərəfindən müsbət qarşılanıb, universitetin bu sahədəki təcrübəsindən istifadə edilərək bir sıra digər ali təhsil müəssisələrində də İctimai Nəzarət Şuraları yaradılıb.

İctimai Nəzarət və Məsləhət Şurasının üzvləri Qənirə Paşayeva, Məlahət Mürşüdlü, Rauf Zeyni, Əlməmməd Nuriyev, Mirzə Cəfərzadə Ümid Mirzəyev çıxış edib. Qeyd edilib ki, imtahanlara, eyni zamanda Tədris Elektron Mərkəzi tərəfindən nəzarət edilir, müşahidə kameraları vasitəsilə izlənilir. Tələbələrə təqdim olunan cavab vərəqələri kodlaşdırılır ki, bu da obyektivliyi təmin edir. Yazıların kodlaşdırılması, yoxlanılması və nəticələrin dekanlığa göndərilməsi xüsusi otaqlarda həyata keçirilir. Sessiyanın gedişində yarana biləcək narazılıqların araşdırılması və həlli məqsədilə Qərargah, apelyasiya komissiyaları, eləcə də "Qaynar xətt” yaradılıb.

Sonra tələbələrin təklifləri dinlənilib, onları maraqlandıran suallar cavablandırılıb. Müzakirələrdə universitetdə tədris prosesinin təşkili, BDU-da elm və təhsilin inteqrasiyası, tələbələrin elmi fəaliyyətə cəlb edilməsi, universitetin gələcək inkişafı, müəllim-tələbə münasibətləri kimi məsələlər ətrafında fikir mübadiləsi aparılıb.




İmza:

I və IV qrupların imtahanlarında qaydaları pozanların nəticələri ləğv olundu

Bəzi universitetlərdə təhsil haqqı artırılıb - QİYMƏTLƏR

Abituriyentlərə şad xəbər

ADU-nun rektoru Çin CCTV-4 telekanalının yaradıcı heyəti ilə görüşüb

UDİD tələbələrə nələr vəd edir - bütün sualların cavabı

Kamal Abdulladan jurnalistika ilə bağlı TƏKLİFLƏR

ADU-nun Avropadakı Konfutsi institutları ilə əlaqələri genişlənir

ADU-nun rektoru Kamal Abdulla Koreya səfiri ilə görüşüb

Jurnalistika fakültəsinə qəbulda qabiliyyət imtahanı ləğv edilməyib RƏSMİ

Mikayıl Cabbarov olimpiada qalibləri ilə görüşüb

AzTU-da bitirən mühəndislər işə qəbul üçün imtahan verdilər

ADU-nun tələbəsi İndoneziyada təqaüd proqramında iştirak edib

SON XƏBƏRLƏR
2017-07-22


VİDEO
ƏDALƏT BU GÜN
Redaktor seçimi
FOTOREPORTAJ
SORĞU
Azərbaycanda futbol oynayırlar yoxsa top-top?

Futbola - HƏ (30%)
Top-topa - YOX (70%)

ÇOX OXUNAN
GÜNÜN LƏTİFƏSİ
Qadın:
- Əzizim, dur! Sübh azanının vaxtıdır.
Kişi:
- Mən qəzasın qılaram.
Qadın:
- Allah deyir ki, imkan daxilində namazı ilk vaxtında qılmaq lazımdır.
Kişi:
- Allah dörd arvad almağa da icazə verirg
Qadın:
- Yat, Allah bağışlayandır, əzizim.




digər lətifələr
ARXİV
FACEBOOK