ANA SƏHİFƏ / HADİSƏ

Şəmkirdə qadına qarşı quldurluq edənlər yaxalanıb

3821    |   2017-01-16 22:30
Şriftin ölçüsü:
A+ Böyütmək
A+ Balacalaşdır

Şəmkirdə maskalı halda evə daxil olan quldurlar saxlanılıb.

Adalet.az saytı xəbər verir ki, "ARB Kəpəz"in məlumatına görə, rayonun Qaracəmirli kəndində tənha qadının qızıllarını mənimsəyən "qəhrəmanların" eyni əməli başqalarının da başına açması, sonda quldurların yolunu polisə salıb.

Şəmkir rayonunun Qaracəmirli kəndində edilən quldurluq gecə saatlarına təsadüf edib. 2 nəfər maskalı şəxs kənd sakini Ziyafət Ağayevanın evinə girərək qadına soyuq silahla hədə-qorxu gəliblər. Çəkinməyərək cəld tərpənən qadın onların üzərindəki örtüyü çıxarmağa çalışsa da əks-hücumla qarşılaşıb. Zərərçəkənin sözlərinə görə, naməlum şəxslərdən biri onu boğmağa cəhd etsə də niyyətinə çata bilməyib. Qadının öz canının hayında olduğu müddətdə evdə aparılan axtarış nəticə verməyincə, gözlərini qadının barmağındakı qızıl üzüyə dikiblər.

Zemfira Ağayeva- zərərçəkən şəxs: "Əvvəlcə qapının birini, sonra isə o birisini təpiklə vurub açıblar. Vuran kimi bıçaqla üstümə gəldilər. Biri gecə lampasını söndürdü. O biri isə, bıçağı boğazıma dirədi ki, pulun yerini de. Mənim pulum yoxdur dedim. Dedi: onda bəs maşının pulu haradadır. Dedim hamısını borca vermişəm”.

Hadisədən sonra cinayət baş verən ünvana Şəmkir rayon polis şöbəsinin Kür bölməsinin əməliyyatçıları gəlib. Zəruri istintaq hərəkətlərindən sonra əməliyyat tədbirlərinə başlayan polis, şübhəli kimi Qaracəmirli kənd sakinləri 24 yaşlı Şəhriyar Quliyevi və 22 yaşlı Tehran Həsənovu saxlayıb. Dindirilən hər iki şəxs törətdikləri cinayəti etiraf ediblər. Əvvəlcədən planlaşdırılan quldurluq Ziyafət Ağayevanın rəhmətə gedən həyat yoldaşına məxsus avtomobilin satılmasından yaranıb.

Şəhriyar Quliyev- saxlanılan şəxs: "İçəri keçib pul və qızıl tələb etdim. Dedi ki, pulum yoxdur. Sonra dedim qızılları ver. O da qızılları vermək istəmədi. Dedi ki, yadigarımdır”.

Ortağı ilə həmfikir olan Tehran Həsənov isə qadına etdiyi humanistliyindən danışıb.

Tehran Həsənov- saxlanılan şəxs: "Üzündən maskasını cırdı. O da balıncı üzünə tutdu. O da boğuldu. Balıncı götürəndən sonra gördü arvad boğulur. Dedi mənə su ver. Mən də sobanın üstündən çaydandan su götürüb verdim”.

Araşdırmalar Şəhiyar Quliyevin bir neçə cinayətdə əli olduğunu ortaya çıxarıb. O, digər həmkəndlilərinin qəniminə çevrilib.

Dəstə üzvlərinin həmçinin, bu ilin sentyabr ayında Qaracəmirli kənd sakini Sübhan İbrahimovun yaşadığı mənzildən 2 min manat dəyərində qızıl zinət əşyaları oğurladığı da ortaya çıxıb. Artıq hər iki şəxs barəsində məhkəmənin qərarı ilə həbs qəti imkan tədbiri seçilib.




İmza:
SON XƏBƏRLƏR
2017-10-23


VİDEO
YAZARLAR
Əbülfət MƏDƏTOĞLU
Seyfəddin Altaylı
Nicat Novruzoğlu
Oğuz Ayvaz
Əbdürrəhim bəy Haqverdiyev
Fəridə RƏHİMLİ
Əlövsət Bəşirli
FAİQ QİSMƏTOĞLU
Cəlil Məmmədquluzadə
İradə TUNCAY
Məzahir Əhmədoğlu





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Atletiko"ya qalib gələcəkmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
Vəli Xramçaylı babat vurub qatarnan Biləcəridən Qazağa getmək istəyir. Vaqona minəndə görür ki, boş yer yoxdu. "Onsuz da səni tapajam" - deyə-deyə başlayır kupeləri gəzməyə. Sərnişinlərdən biri soruşur ki, "nə axtarırsınız?
Vəli:
- İlan sumkamdan çıxıb qaçıb, onu axtareyram.
Bunu eşidən sərnişinlərin hamısı qorxusundan vaqondan düşüb qaçır. Vəli rahatca uzanıb yatır. Səhəri gün ayılıb görür vaqon dayanıb, bələdçidən soruşur:
- Xanım Qazağa çatmışıqmı?
Bələdçi xanım:
-Nə çatmışıq ey, dünən bir kefli kişinin sumkasından ilan qaçıb, vaqonu qatardan açıb Biləcəridə saxlayıblar, hələ də ilanı axtarırlar.




digər lətifələr
ARXİV
FACEBOOK