ANA SƏHİFƏ / SİYASƏT

XİN rəhbəri Azərbaycanın yeni səfiri ilə görüşdü

6491    |   2017-01-16 21:30
Şriftin ölçüsü:
A+ Böyütmək
A+ Balacalaşdır

Azərbaycan Respublikasının Gürcüstanda yeni təyin olunmuş səfiri Dursun Həsənov yanvarın 16-da bu ölkənin xarici işlər naziri Mixeil Canelidze ilə görüşüb.

Adalet.az xəbər verir ki, səfir Dursun Həsənov etimadnaməsinin surətini nazir Mixeil Canelidzeyə təqdim edib, dövlətlərimiz və xalqlarımız arasında əlaqələrin inkişafında səylərini əsirgəməyəcəyini və ona göstərilən etimadı doğruldacağını söyləyib.

M.Canelidze D.Həsənovu Gürcüstanda səfir təyin olunması münasibətilə təbrik edib, ona fəaliyyətində uğurlar arzulayıb. Nazir ikitərəfli əlaqələrin inkişafında yeni nailiyyətlərin əldə olunacağına əminliyini bildirib.

Görüşdə ölkələrimiz və xalqlarımız arasında mövcud olan, tarixi köklərə söykənən dostluq əlaqələrinin daha dinamik şəkildə inkişafı, nəzərdə tutulan enerji, nəqliyyat, turizm layihələrinin reallaşdırılması və qarşılıqlı maraq doğuran digər məsələlər müzakirə olunub.

Söhbət zamanı regional layihələrin genişləndirilməsinin zəruriliyi vurğulanıb, Gürcüstan-Türkiyə-Azərbaycan formatında siyasi, iqtisadi, humanitar əlaqələrin daha da inkişaf etdirilməsinin əhəmiyyəti qeyd olunub.

Dursun Həsənov ölkələrimiz arasında əlaqələrin inkişafı istiqamətində mütəmadi olaraq bu cür görüşlərin keçiriləcəyinə ümidvar olduğunu söyləyib.




İmza:
SON XƏBƏRLƏR
2018-01-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK