ANA SƏHİFƏ / YAZARLAR

Aqil ABBAS:KÜRD BALASI TÜRKİYƏNİN RƏMZLƏRİNDƏN BİRİNƏ ÇEVRİLDİ

2443    |   2017-01-11 15:19
Şriftin ölçüsü:
A+ Böyütmək
A+ Balacalaşdır

Yüz il bundan öncə Osmanlını dağıdan güclər indi də Atatürkün az qala bütün dünya ilə savaşıb yaratdığı Türkiyəni parçalamaq üçün min bir plan üzərində işləyirlər: «A» planı, «B» planı, «C» planı, «D» planı… Yəni biri baş tutmayanda başqa bir plan işə düşür.

Bu planlardan biri qardaş ölkəni iç savaşa sürükləmək, türk-kürd qarşıdurmasına nail olmaqdır. Və bunun üzərində az qala 30 ildən çoxdur iş gedir. Amma nə qədər çaba göstərsələr də istəklərinə nail ola bilmirlər. Və inşallah da nail ola bilməyəcəklər. Dünya güclərinin birləşib yaratdıqları və ən müasir silahlarla silahlandırdıqları PKK-nın 30 ildən artıqdır törətdiyi terrorlarda bir işə yaramır. Hamıya gün kimi aydındır ki, PKK kürd xalqına xidmət etmir. Əksinə, kürd xalqına daha böyük zərbələr vurur. Və statistikanı araşdırsalar ortaya çıxar ki, PKK-nın qətlə yetirdikləri, şəhid etdikləri terror qurbanlarının sırasında kürdlərin sayı heç də türklərin sayından az deyil. Və PKK-ya qarşı mübarizədə həm Türk Silahlı Qüvvələrinin, həm jandarm və polis qüvvələrinin, eləcə də qorucuların içində kürdlər türklərlə bərabər vuruşur. Diqqət eləsəz elə qorucuların bəlkə də 70 faizi kürd əsillidirlər. Yəni Türkiyədə türk-kürd ayırımçılığı yoxdur. Həm Osmanlının dünyaya hökmranlıq etdiyi dönəmdə, həm İstiqlal savaşında, həm Çanaqqalada qardaş kimi kürək-kürəyə verib birgə savaşıblar, bir bütün olublar.

Ona görə də qazi Mustafa Kamal Paşa deyir: «Türk qurtaran yerdə kürd başlayır, kürd qurtaran yerdə türk!»

Ən qatı türk milliyyətçisi (irqçi yox ha, milliyyətçi) Başbuğ Alparslan Türkeş deyir: «Türk hara qədər türkdürsə, kürd də ora qədər türkdür. Kürd hara qədər kürddüsə, türk də o qədər kürddür».

Heç uzağa getməyək. Türkiyə iqtisadiyyatının inkişafının təməlini qoyan, bügünkü Türkiyənin iqtisadi cəhətdən qüdrətli bir ölkəyə çevrilməsində əvəzsiz xidməti olan və qardaş ölkəni dünyaya açan rəhmətlik Turqut Özal da kürd idi. 90-cı illərdə PKK-ya qarşı vuruşanların ön sırasında yer alan Sadat Bucaq da kürddü…

… Sadat Bucaq 1996-cı il noyabrın 3-də Susurluqda Abdulla Çatlıya qarşı törədilən terrorda (təəssüf ki, bunu terror kimi yox, sıradan bir avtoqəza kimi hallandırdılar) ağır yaralanmışdı…

… Fetih Sekin! İndi bu fədakar polis işçisi Türkiyənin rəmzlərindən birinə çevrilib. O öz canını qurban edərək İzmir Ədliyyə Sarayında həyata keçirilməsi nəzərdə tutulan dəhşətli bir terrorun qarşısını aldı. Əgər terrorçular bomba yüklü maşını ədliyyə binasına çırpıb (özü də həmin yerdə yüzə yaxın insanın yemək yediyi lokanta da var) partlatsaydılar kim bilir bəlkə onlarla, yüzlərlə insan həlak olardı. Amma bu qəhrəman polis işçisi anında bomba yüklü maşının fərqinə vardı, qarşısını kəsdi, nəticədə terrorçular maşını avtoparkda partlatdılar. Və Fetih Sekin terrorçularla son damla qanına qədər atışdı. Üç terrorçunun ikisini öldürdü, özünün isə gülləsi qurtardı və şəhid oldu. 40 yaşlı bu qəhrəman, üç uşaq atası öz canını yüzlərlə cana qurban verdi.

Elazığ doğumlu idi. Elazığdakı evləri müqəddəs Türk bayrağına bələnmişdi və anası oğluna kürdcə ağı deyirdi.

Bəli, bir kürd balası özünü qurban verdi ki, onlarla, yüzlərlə türk yaşasın!

Kürd xalqının övladı Fetih Sekindir, PKK-çılar deyil!

P.S. 90-cı illərin əvvəllərində məlum qüvvələr separatizm oacaqları qalamağa çalışdılar. Milli ayrı-seçkilik salmaq üçün əllərindən gələni əsirgəmədilər. Və elə indi də çaba göstərirlər. Alınmaz! Birinci Qarabağ savaşında həmin qüvvələrə layiqli dərs verildi. Azərbaycanın ərazi bütövlüyü uğrunda Ermənistan ordusuna qarşı döyüşdə türkü, talışı, kürdü, rusu, ləzgisi, avarı, yəhudisi çiyin-çiyinə vuruşdular: Azərbaycan naminə! Yüzlərlə, minlərlə şəhid verdilər, Azərbaycan naminə «uf» demədən canlarından keçdilər.

Belə getsə, ikinci Qarabağ savaşı da qaçılmazdır. Qarabağı Azərbaycan xalqı türkü ilə, talışı ilə, kürdü ilə, rusu, ləzgisi, avarı, yəhudisi ilə birlikdə azad edəcək. Yenə çiyin-çiyinə, bir bayraq altında!

Qarabağı birlikdə azad edəcəyik! Yuxa qulağı sulayanlar da elə yuxa qulağı sulaya-sulaya qalacaqlar.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2017-02-22
2017-02-21


VİDEO
ƏDALƏT BU GÜN
Redaktor seçimi
FOTOREPORTAJ
SORĞU
Manatı görən olubmu?

Hə (76.92%)
Yox (23.08%)

ÇOX OXUNAN
GÜNÜN LƏTİFƏSİ

Bir cavan gürcü Urusetdə toyuq oğurlayır, tuturlar. Atası gedib bir yaxşı vəkil tutur. Vəkil də deyir qorxma ey, oğlunu elə məhkəmə zalından açıb buraxdıracam.

Məhkəmə gedir. Vəkil çıxış edir:

- Yoldaş hakimlər, siz nə danışırsız, bizim bu Vano heç toyuq oğurlayarmı? Heç ona yaraşarmı gedib toyuq oğurlasın? Heç bilirsiz o hansı nəslin nümayəndəsidi? Onun dayısı Otar Tiflis bankını yarmışdı, düz bir milyon pul aparmışdı. İndi Vano kakoy-nibud toyuq oğarlasın? Əmisi Tengiz Qoridə bir gülləylə iki adam öldürmüşdü. İndi Vano kakoy-nibud bir toyuq oğurlasın? O biri əmisi Mixail bir milyonerin iki uşağını birdən aparmışdı, sonra düz iki milyon alıb buraxdı. İndi Vano kakoy-nibud bir toyuq oğurlasın?

Babası Ancorun Tiflisdə kəsmədiyi baş qalmamışdı, camaat onu küçədə görəndə siçan deşiyi axtarırdı. İndi Vano kakoy-nibud bir toyuq oğurlasın? Heç nəslinin adına yaraşar, nəslini belə ucuz eləyər – kakoy-nibud bir toyuq...

Məhkəmə gedir müşavirəyə. Qayıtdıqdan sonra hakim hökm oxuyur:

- Vanonun gələcək cinayətlərini nəzərə alaraq cəzasını ciddi rejimli islah müəssisəsində çəkməklə on beş il azadlıqdan məhrum edilsin.





digər lətifələr
ARXİV
FACEBOOK