ANA SƏHİFƏ / İDMAN

Azərbaycan yığması FİFA reytinqində mövqeyini qoruyacaq

8316    |   2017-01-06 17:40
Şriftin ölçüsü:
A+ Böyütmək
A+ Balacalaşdır

2017-ci ildə açıqlanacaq milli komandaların ilk FİFA reytinqinin konturları bəlli olub. Apasport.az saytının məlumatına görə, yanvarın 12-də qurum tərəfindən açıqlanacaq cədvəllə bağlı təxmini siyahı tərtib edilib.

İlin ilk cədvəli ciddi dəyişiklik vəd etmir. Çünki hesabat dövründə yığmaların iştirakı ilə çox az sayda matç keçirilib. Bütün bunlar isə siyahıdakı dəyişiklikləri minimuma endirib.

Düzdü, Surinam 22, Nikaraqua 11, Maldiv adaları 9 pillə irəliləməyə, Əfqanıstanla Banqladeş 5 addım geriləməyə macal tapıb. Amma bu yerdəyişmələr heç də hamıya təsir etməyib.

Təxmini cədvəldə 2016-cı ildəki son siyahının açıqlandığı vaxtdan sonra heç bir matça çıxmayan Azərbaycan millisinin də mövqeyi toxunulmazdı. 386 xala malik Robert Prosineçkinin yetirmələri 90-cı pillədədi. Lakin artıq Toqo millisi yığmamıza çatıb. Bu üzdən mövqeyimiz afrikalılarla şəriklidi.

Millimiz və "qonşular”ı

85 (73). Haiti - 413

86 (86). Ermənistan – 412

87 (88). Zambiya - 401

88 (89). Keniya - 396

89 (85). Liviya – 390

90 (90). Azərbaycan - 386

90 (91). Toqo – 386

92 (93). Antiqua və Barbuda – 370

93 (93). Finlandiya – 368

93 (92). Ruanda - 368

95 (95). Boliviya - 359

Dünyanın ən güclü 10 komandasının mövqeyində isə heç bir dəyişiklik yaşanmayıb. Liderlərin xal hesabları da dəyişməz qalıb.

İlk "onluq”

1 (1). Argentina – 1634

2 (2). Braziliya – 1544

3 (3). Almaniya – 1433

4 (4). Çili – 1404

5 (5). Belçika – 1368

6 (6). Kolumbiya – 1345

7 (7). Fransa – 1305

8 (8). Portuqaliya – 1229

9 (9). Uruqvay – 1187

10 (10). İspaniya – 1166

Millimizin DÇ-2018-in seçmə mərhələsindəki rəqiblərindən yalnız Çexiyanın mövqeyi dəyişib. Onlar təxmini siyahıya əsasən 2 addım irəliləyəcək. Onlar Əlcəzair və İsveçin geriləməsindən faydalanıb.

DÇ-2018-in seçmə mərhələsi, Avropa zonası üzrə C qrupu

3 (3). Almaniya – 1433

32(32). Şimali İrlandiya - 767

41 (43). Çexiya - 671

83 (83). Norveç - 422

202 (202). San-Marino – 17

Qeyd edək ki, qonşu Türkiyə yığması ehtimallar cədvəlində də 24-cü yerdə qalıb. "Ay-ulduzlular”ın hesabında 851 xal var.



İmza:
SON XƏBƏRLƏR
2018-06-22
17:29 ÜMİD
15:24 İNSAN


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (22.23%)
Argentina (11.11%)
İspaniya (22.22%)
Almanıya (44.44%)
Fransa (0%)

ÇOX OXUNAN
GÜNÜN LƏTİFƏSİ

Ermənilərlə bacı-qardaş olduğumuz vaxtlardı. Moskvada Yazıçılar Evinin restoranında Zakir Fəxri yeyib-içir. Bu vaxt bir erməni yazıçı da gəlib onunla bir stolda oturur. Hesab vaxtı gələndə erməninin 20 qəpiyi düşür stolun altına. Erməni əyilib pulu axtarır. Zakir Fəxri dərhal bir iyirmi beşliyi yandırıb tutur stolun altına, erməniyə deyir:

- Kirvə, axtar.

Erməni pərt olur. Restorandan çıxırlar, asılqandan paltolarını götürəndə erməni Zakirin acığına asılqanda işləyən kişiyə bir əllilik verir.

Zakir əlini atır cibinə, görür ki, o qədər pulu yoxdu, əlini yelləyib deyir:

- Brat, paltonu bağışladım sənə, geyinərsən. Mən dünən QUM-dan fransuzski əla bir palto almışam.





digər lətifələr
ARXİV
FACEBOOK