ANA SƏHİFƏ / ELM VƏ TƏHSİL

Dövlət hesabına oxuyan tələbələrə də təhsil kreditləri verilə bilər

5021    |   2017-01-05 09:50
Şriftin ölçüsü:
A+ Böyütmək
A+ Balacalaşdır

Azərbaycanda ödənişsiz əsaslarla təhsil alan tələbələrə təhsil ehtiyacları üçün nəzərdə tutulan kreditlər verilə bilər.

Adalet.az-ın məlumatına görə, "Maarifçi" Tələbə Kredit Fondundan Trend-in sorğusuna cavab olaraq bildirilib ki, ödənişsiz əsaslarla təhsil alan tələbələrə təhsil haqqı kreditləri istisna olmaqla, digər təhsil ehtiyacları üçün nəzərdə tutulan kreditlər də şamil oluna bilər.

Fonddan qeyd edilib ki, "Maarifçi" Tələbə Kredit Fondunun imkanları məhdud olduğundan və eyni zamanda bakalavrlar təhsil haqqı kreditinə daha çox ehtiyac duyduqlarından növbəti elan sessiyası zamanı bakalavr pilləsində təhsil alan tələbələr üçün kreditlərin ayrılması nəzərdə tutulur.

Fond tələbələrə yataqxana haqqı, tədris materialları, elmi-tədqiqatlar, araşdırma və s. kimi ehtiyac və təyinata görə kreditlər təqdim etməyi planlaşdırır:

"Amma hazırda təhsil haqqı kreditləri daha prioritet hesab olunur. Çünki tələbat əsasən bu istiqamət üzrədir. Təxmin edirik ki, bu təyinat üzrə tələbələrin ehtiyacları növbəti illərdə kifayət qədər ödəniləcək və Fond digər istiqamətlərdə də kreditlərin təqdim olunması planını həyata keçirməyə başlayacaq. Amma hələlik digər kredit növləri üzrə şərtlər məlum deyil”.

Xatırladaq ki, hazırda bakalavr səviyyəsi üzrə ödənişli əsaslarla təhsil alan tələbələrə təhsil haqqının ödənilməsi üçün kreditlər verilir. Tələbələrə kreditlər standart paket olaraq 8%-lə, güzəştli paket olaraq isə 6%-lə təklif olunur. Güzəştli paket üçün kreditin qaytarılma müddəti 120 ay, standart paket üçün 60 aydır. Fond tələbədən təhsil müddəti və güzəşt müddəti ərzində faiz borcunun ödənilməsini tələb etməyəcək. Bu müddət ərzində yığılan faiz borcu əsas məbləğə əlavə olunacaq. Tələbələr kreditləri tələbə təhsilini başa vurduqdan - işlə təmin olunduqdan sonra ödəməyə başlayacaqlar.

Kredit almaq üçün Fonda Azərbaycan vətəndaşı, yaşı 25-dək olan tələbə müraciət edə bilər. Tələbə ali məktəbi bitirdikdən, işlə təmin olunduqdan sonra təhsil haqqını ödəmək imkanı əldə edir. Güzəştli kredit ala biləcək tələbələr ailə başçısını itirmiş ailələrin övladları, sağlamlıq imkanları məhdud olan şəxslərdir.




İmza:

Jurnalistikaya qəbul olmaq üçün 14 bakalavr ərizəsini təsdiqləyib

ADU-da Çin dili günü qeyd edilib

UNEC professorları ilə görüş şagirdlər üçün faydalıdır

İbtidai siniflər üçün əlavə yaz tətili başlayır

ADU-da Holokost qurbanlarının xatirəsi anılıb

BANM-in müəllimi: Məzunlarımız Ali Məktəbimizin adını, dəyərlərini hər zaman layiqincə yaşadacaqlar

Türkiyənin Draft Education şirkətinin nümayəndələri ADU-da olub

Professor P.Moog: ”Azərbaycanın qeyri-neft ixracı sahəsində çox güclü potensialı var”

BANM-də professor Fuad Vəliyevin kitab təqdimatı - FOTO

Dövlət İmtahan Mərkəzinin saytından materialların yüklənməsi və istifadəsi pullu olacaq

Nüfuzlu investorlar təcrübələrini UNEC startapçıları ilə bölüşüb - Fotolar

BANM ATKINS şirkəti ilə əməkdaşlıq edəcək

SON XƏBƏRLƏR
2017-04-26
2017-04-25


VİDEO
ƏDALƏT BU GÜN
Redaktor seçimi
FOTOREPORTAJ
SORĞU
Mart çıxdı, dərt çıxd?

Hə (33.33%)
Yox (66.67%)

ÇOX OXUNAN
GÜNÜN LƏTİFƏSİ
Bir gün restorana bir kişi gəlir. Qarsona deyir:
- Sizin soyuq çayınız var?
Qarson deyir:
- Yox.
Kişi çıxıb gedir. Hər gün bu hadisə 4-5 dəfə təkrar olunur. Axırı qarson bezib restoran sahibinə məsələni danışır. O da deyir ki, çayı qoy dəmlənsin, sonra qoy soyuducuya, gələndə o kişiyə ver içsin. Qarson belə də edir. Elə həmin gün kişi gəlir, deyir bala soyuq çayın var?
Qarson yekə-yekə deyir:
- Hə.
Kişi deyir:
- Onda qoy isinsin, gətir içək.




digər lətifələr
ARXİV
FACEBOOK