ANA SƏHİFƏ / İQTİSADİYYAT

IFC nümayəndəsinin Azərbaycanda problemli kreditlərlə bağlı tövsiyəsi

8186    |   2017-01-04 14:27
Şriftin ölçüsü:
A+ Böyütmək
A+ Balacalaşdır

Azərbaycanda vaxtı keçmiş kreditlərlə bağlı problemlərin həllinə aktivlərin idarə olunması üzrə ixtisaslaşlmış strukturun yaradılması kömək edə bilər.

Adalet.az xəbər verir ki, bu sözləri Trend-ə Beynəlxalq Maliyyə Korporasiyasının (IFC) Ukrayna və Belarusdakı nümayəndəliyinin rəhbəri Rüfət Əlimərdanov deyib.

O qeyd edib ki, ilk növbədə, belə struktur məhdud resursları və ekspertizanı bir agentlikdə cəmləməyə imkan verir: "İkincisi, bu, aktivlərlə daha sistematik və standart iş üsullarının tətbiq olunmasına şərait yaradır. Üçüncüsü və daha vacibi odur ki, bugünkü islahatlar şəraitində iqtisadiyyatın sahələrinin daha nizamlı restrukturizasiyası imkanı yaranır”.

R.Əlimərdanovun fikrincə, bu cür struktura, həmçinin problemli kreditlərin qaytarılmasını sürətləndirməyə imkan verən əlavə səlahiyyətlər verilə bilər: "Burada bir sıra üstünlüklərlə bərabər, bəzi çatışmazlıqlar da var. Məsələn, strukturun müstəqil olmaması və qeyri-səmərəli korporativ idarəetmə zamanı siyasi təzyiq mümkün ola bilər".

Onun sözlərinə görə, Azərbaycanda yaradılmış "ASAN xidmət” ən uğurlu nümunələrdən biridir: "Bundan başqa, məsələn, daşınar əmlakın qeydiyyatı prosesinin təkmilləşdirilməsi vasitəsilə girov qoyulan əmlakın səmərəli reallaşdırılmasına kömək edəcək nizamlayıcı mühit yaratmaq lazımdır”.

R.Əlimərdanov bildirib ki, bütün bunlarla əlaqədar olaraq, "əlverişsiz borclar”la iş təcrübəsi olan xarici ekspertlərin, eləcə də bu sahədə ixtisaslaşmış investorların cəlb olunması tələb oluna bilər. O əlavə edib ki, ABŞ və İrlandiyada bu problem müsbət həll edilib.

Qeyd edək ki, Azərbaycan Mərkəzi Bankının məlumatına əsasən, 2016-cı ilin oktyabrın sonuna olan vəziyyətə görə Azərbaycanda vaxtı keçmiş kreditlərin payı bütün kredit təşkilatlarının borclarının 8,7 faizini və ya 1 375,6 milyon manat təşkil edib. Bir il ərzində vaxtı keçmiş kreditlərin həcmi 5,66 faiz artıb, bir ay ərzində isə 14 faiz azalıb.



İmza:
SON XƏBƏRLƏR
2018-04-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ

70-ci illərdə İranın bir «Qeysər» filmi vardı. Qısa, 3 nəfər Qeysərin bacısını zorlayır, özləri isə Qeysəri tutdururlar. Vaxt keçir, Qeysər həbsxanadan çıxır. Onun da bir adəti olur, ayaqqabısının dabanlarını tapdayıb geyinir. Elə ki barmağını salıb ayaqqabının dalını düzəltdi, deməli, kimisə, yəni daha dəqiq desək, bacısını zorlayanlardan kimisə öldürəcək. Beləliklə, Qeysər ayaqqabılarının dabanını düzəldə-düzəldə bacısının qisasını alır.

Həmin vaxt dəbə düşmüşdü. Şəhərdə və eləcə də rayonlarda özlərini Qeysərə oxşadan oğlanlar peyda olmuşdular, ayaqqabılarının dabanını tapdayıb geyinirdilər.

Deməli, Ağdamda 4-5 cavan küçədə «Qarabağ»ın məşhur futbolçusu və «Qarabağ»ın Lobanovskisi Adil Nadirovla rastlaşırlar. Adil görür ki, cavanların içində özündən razılarından biri ayaqqabılarının dabanını tapdayıb geyinib, onu saxlayır və deyir:

- Ə, qaqa, ayaqqabılarının dabanını niyə tapdamısan, sənin də bacını…





digər lətifələr
ARXİV
FACEBOOK