ANA SƏHİFƏ / GÜNDƏM

Cübbəli Hocanın qisası - İLHAM İSMAYIL YAZIR

5373    |   2017-01-02 11:01
Şriftin ölçüsü:
A+ Böyütmək
A+ Balacalaşdır

İstanbulda Yeni il gecəsi əyləncə mərkəzində baş verən terrorun məsuliyyətini hansı terror təşkilatı üzərinə götürdü?

Heç biri. Heç olmayacaq da. Bu terrorun məsuliyyəti Türkiyə siyasətinin zehniyyətinin üzərinə düşür. Şəriət qaydalarını üstün tutan zehniyyət on illərdir ki, formalaşmış, Türkiyənin həyat tərzinə çevrilmiş dünyəviliklə qarşı qarşıyadır. İŞİD-in, PKK-nın, PYD-nin və başqa terror təşkilatlarının indiyədək Türkiyədə törətdikləri terrorun gecə klubunda, yeni il şənliyinə qatılanlara qarşı törədilən qətliamın mahiyyətində terror dayansa da , fərqli səbəbləri var. Əgər əvvəlki terrorun hədəfində Türkiyə dövləti, türklər dayanırdısa, bu terrorun hədəfində dünyəvilik və o dəyərlərin daşıyıcıları dayanır. Türkiyədəki iqtidarın siyasətindən dəstək görən radikal islamçı kəsim bu terrora açıq şəkildə hazırlaşıb. İstanbul küçələrinə "Yılbaşı və Noel kutlamalarına hayır” plakatları vurub təbliğat aparanlara icazə verən, dəstəkləyən hakimiyyət nümayəndələri bilmədilərmi bu təbliğatın ağır nəticələri ola biləcək?


Amma, hələ 21 dekabrda bu təbliğata, bu plakatlara diqqət yönəldən "Cümhuriyyət” qəzetinin müxbiri Əhməd Şık : "Boş veriləcək bir durum deyil. Cübbəlinin xəbərdarlıqları, tez-tez bir Noel vurğusu yapması diqqətə dəyər. Tədbirli olmaqda fayda var” yazdığına görə bir həftə sonra -29 dekabrda həbs edilir.

Yalnız bu deyil. Türkiyə diyanət işləri başqanı Mehmet Görmez terrordan iki gün əvvəl, cümə günü yayınladığı xütbəsində, "Özünü və yaradılış qayəsini unudaraq dəyərlərimizə uymayan, insan həyatına dəxli olmayan qayrimeşru (bic, naməlum) tutum və davranışlar sərgiləmək bir möminə əsla yaraşmaz. Yeni bir ilin ilk saatlarının başqa mədəniyyətlərə, başqa dünyalara aid yeni il əvvəli əyləncələrlə israfçılığa yol verilməsi nə qədər də düşündürücüdür”.

Yeni ili qeyd etməyin, əylənməyin, sevinməyin əleyhinə bundan başqa hansı təbliğat aparılmalıdır ki, Türkiyə kimi bir dövlətdə sonu 40 nəfərin qətliamı ilə bitməsin? Əlini qolunu sallayıb "Kalaşnikov” silahı ilə küçədə sərbəst dolaşan biri içəri girib 40 can alır, sonra da rahat gəldiyi kimi də geri dönür. On gün əvvəldən öz vətəndaşlarını İstanbulda ola biləcək mümkün terrorla xəbərdar edən ABŞ-ı söyməkdənsə informasiyanı dəyərləndirmək düz olmazdımı? Yeni il gecəsi 25 min polislə təhlükəsizliyi qoruyan İstanbul polisi nədən plakat təbliğatının hədəfi ola biləcək məşhur əyləncə yerini boş buraxdı?

Suallar çoxdu. Sosial şəbəkələrdə " Yılbaşında əyləncələr yapanda bilmirdiniz ki, Allah sizləri cəzalandıracaq” tipli şərhlər yazan Türkiyə vətəndaşlarının çoxluğu da sual yaradır- Türkiyə hara gedir?


İmza:moderator.az
SON XƏBƏRLƏR
2017-11-19
2017-11-18
00:37 DEYİLƏM
2017-11-17


VİDEO





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Çelsi"yə qalib gələcəkmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Ər və arvad evin qarşısında oturublar. Bir turist gəlir və kişidən ingiliscə yolu soruşur. Kişidən səs yox. Turist bu dəfə almanca soruşur. Kişidən yenə səs yox. Turist bu dəfə Fransızca danışmış. Yenə səs yox. İspanca, yenə səs yox. Turist əsəbiləşib gedir. Arvad ərinə deyir:
- Bir dil öyrənməyin zamanı gəldi deyəsən.
- Boş ver, nə gərək var? Adam bu qədər dil bilir, dərdini mənə başa sala bilmədi.




digər lətifələr
ARXİV
FACEBOOK