ANA SƏHİFƏ / ELM VƏ TƏHSİL

ADU-da Çinin qış bayramı qeyd olunub

6839    |   2016-12-27 15:05
Şriftin ölçüsü:
A+ Böyütmək
A+ Balacalaşdır

Dekabrın 27-də Azərbaycan Dillər Universitetində (ADU) universitetin nəzdində fəaliyyət göstərən Konfutsi İnstitutunun təşkilatçılığı ilə Çinin Dunçji (Qışın zirvəsi) bayramına həsr olunan tədbir keçirilib.

Açılış nitqi ilə çıxış edən Konfutsi İnstitutunun Azərbaycan tərəfindən direktoru, professor Rafiq Abbasov Dunçji bayramının Çin mədəniyyətində mühüm yer tutduğunu qeyd edərək, onun yaranma tarixi və əsas fəlsəfəsi haqqında ümumi məlumat verib.

ADU-nun Regionşünaslıq və Beynəlxalq Münasibətlər fakültəsinin Çinşünaslıq ixtisası üzrə təhsil alan tələbələri, əsası İn və Yan konsepsiyasına dayanan, eyni zamanda Pekinin Səma məbədində əcdadların ibadətləri ilə bağlı olan Dunçji bayramının mənşəyi, ənənələri, əfsanəsi və mərasimləri haqqında, həmçinin Çin təqviminə aid olan qışın müxtəlif mövsümləri barədə çıxış ediblər.

Tədbirdə Dunçji bayramının simvolu olan, o cümlədən uzunömürlülüyün, qışın və gözəlliyin rəmzi sayılan Meihua gavalı çiçəkləri haqqında Çinin qədim şeirləri söylənilib, milli mahnıları səsləndirilib.

Sonra adıçəkilən institutun əməkdaşları tərəfindən düyüdən top şəklində hazırlanmış şirin şorba–Tangyuanın (Xan sülaləsi dövründə hazırlanan və ailə birliyinin rəmzi sayılan təam) hazırlanması üzrə master-klass keçirilib.




İmza:
SON XƏBƏRLƏR
2017-10-23


VİDEO
YAZARLAR
Seyfəddin Altaylı
Əbülfət MƏDƏTOĞLU
Nicat Novruzoğlu
Oğuz Ayvaz
Əbdürrəhim bəy Haqverdiyev
Fəridə RƏHİMLİ
Əlövsət Bəşirli
FAİQ QİSMƏTOĞLU
Cəlil Məmmədquluzadə
İradə TUNCAY
Məzahir Əhmədoğlu