Belarus Azərbaycandan gələn avtonəqliyyat vasitələrinin keçidinə icazənamələrin sayını 2017-ci ildə 800-dən 1200-dək artırıb.

Bu barədə Trend BELTA-ya istinadən məlumat verir.

Nəqliyyat və Kommunikasiya Nazirliyinin müvafiq qərarı 2016-cı il dekabrın 14-dən rəsmi portalda dərc olunub.

Bu icazənamələr 45 ölkənin daşıyıcılarına veriləcək. Gələn il Türkiyə daşıyıcıları isə 3 min icazənamə ala bilər.

Qərar 2017-ci il yanvarın 1-dən qüvvəyə minəcək.