ANA SƏHİFƏ / TEXNOLOGİYA

Rabitəçilərin bayramı Gəncədə qeyd olunub

27685    |   2016-12-06 17:44
Şriftin ölçüsü:
A+ Böyütmək
A+ Balacalaşdır

Azərbaycanda telefon rabitəsinin 135 illik yubileyi münasibətlə Gəncə şəhərində qeyd edilib.

Rabitə və Yüksək Texnologiyalar Nazirliyindən verilən məlumata görə, Heydər Əliyev Mərkəzində təşkil olunan tədbirdə qurumun rəhbərliyi və kollektivi, Gəncə şəhər İcra Hakimiyyətinin başçısı Elmar Vəliyev, veteran rabitəçilər, şəhər ictimaiyyətinin nümayəndələri və rəsmi qonaqlar iştirak edib.

Tədbirdən öncə rabitə və yüksək texnologiyalar naziri Ramin Quluzadə və E. Vəliyev ümummilli lider Heydər Əliyevin büstü önünə gül dəstələri düzüb. Daha sonra Heydər Əliyev Mərkəzinin foyesində "Azərbaycanda Telefon Rabitəsi 135 il" kitabı və ölkəmizdə rabitənin inkişaf tarixini əks etdirən foto qalereya ilə tanışlıq olub.

Sonra yubiley münasibəti ilə təşkil olunan tədbirə start verilib. Öncə prezident İlham Əliyevin Azərbaycanda rabitə və informasiya texnologiyaları sahəsi işçilərinə fəxri adların verilməsi haqqında sərəncamı oxunub.

Bir qrup rabitəçiyə fəxri adların təqdim olunmasından sonra R. Quluzadə çıxış edib. Nazir bildirib ki, Azərbaycan rabitəsi şərəfli inkişaf yolu keçib. Dünyada ilk telefon aparatı icad ediləndən cəmi 5 il sonra ölkəmizdə telefon xətləri çəkilib. Azərbaycanda telekommunikasiya sahəsinin inkişafının prioritet istiqamətlərdən biri olduğunu qeyd edən nazir ölkə başçısının bu sahəni daim diqqət mərkəzində saxladığını vurğulayıb.

Çıxışdan sonra Azərbaycan rabitəsinin 135 illik inkişaf tarixinə həsr olunan "Yerdən səmaya” filmi tədbir iştirakçılarına nümayiş olunub.

Rabitəçiləri Gəncə sakinləri adından təbrik edən E. Vəliyev onlara fəaliyyətlərində müvəffəqiyyətlər arzulayıb. R. Quluzadə Azərbaycanda telefon rabitəsinin yaradılmasının 135 illik yubileyinə həsr olunmuş markanın möhürlənməsi mərasimində iştirak edib. Sonda xatirə fotosu çəkdirilib və tədbir rəsmi ziyafətlə davam etdirilib.




İmza:
SON XƏBƏRLƏR
2017-04-26
2017-04-25


VİDEO
ƏDALƏT BU GÜN
Redaktor seçimi
FOTOREPORTAJ
SORĞU
Mart çıxdı, dərt çıxd?

Hə (33.33%)
Yox (66.67%)

ÇOX OXUNAN
GÜNÜN LƏTİFƏSİ
Bir gün restorana bir kişi gəlir. Qarsona deyir:
- Sizin soyuq çayınız var?
Qarson deyir:
- Yox.
Kişi çıxıb gedir. Hər gün bu hadisə 4-5 dəfə təkrar olunur. Axırı qarson bezib restoran sahibinə məsələni danışır. O da deyir ki, çayı qoy dəmlənsin, sonra qoy soyuducuya, gələndə o kişiyə ver içsin. Qarson belə də edir. Elə həmin gün kişi gəlir, deyir bala soyuq çayın var?
Qarson yekə-yekə deyir:
- Hə.
Kişi deyir:
- Onda qoy isinsin, gətir içək.




digər lətifələr
ARXİV
FACEBOOK