İŞİD Avropada terrora hazırlaşır - Kimyəvi silahlarla
Avropa İttifaqının polis xidməti Europol İŞİD terror təşkilatının kimyəvi silahdan istifadə etməklə, Avropada terror aktları törədə biləcəyi barədə xəbərdarlıq edib.
Adalet.az "The Independent” qəzetinə istinadən verdiyi məlumata görə, Europol hesabatında qeyd edib ki, İŞİD Suriya və İraqda məğlubiyyətləri fonunda taktikasını dəyişir. Qurumun antiterror bölməsinin koordinatoru Jil de Kerşov hesab edir ki, İŞİD sıralarına qoşulmuş və cihad ideologiyasını qəbul etmiş şəxslərin ölkələrinə qayıtması prosesi ilə əlaqədar bir neçə il bu təhlükə mövcud olacaq. Silah və partlayıcı qurğulardan istifadə bacarığı olan bu şəxslərlə mübarizə üçün kompleks yanaşma və uzunmüddətli strategiya vacibdir. Jil de Kerşov bildirib ki, terrorçular daha asan hədəflərə, məsələn, ictimai nəqliyyata hücum edə bilərlər. Başqa sözlə, terrorçular vacib infrastruktur obyektlərini, məsələn, elektrik stansiyasını sıradan çıxarmağa deyil, daha çox insanı qorxutmağa cəhd edəcəklər. Bunun üçün isə Suriya və İraqda olduğu kimi, insanları oğurlamağa, yaxud kimyəvi və bioloji silahlardan istifadə etməklə hücum həyata keçirməyə cəhd edə bilərlər.
Digər Xəbərlər
18 Aprel 2024 18:37
ABŞ İrana qarşı sanksiyaları genişləndirib
18 Aprel 2024 18:09F-16 qırıcısı yaya qədər Ukraynaya verilə bilər
18 Aprel 2024 16:56İran İsrailə hücumda köhnəlmiş raketlərdən istifadə edib
18 Aprel 2024 15:43İran əməliyyatdan 72 saat əvvəl Bakıya məlumat verib - Nazir AÇIQLADI
18 Aprel 2024 15:20