ANA SƏHİFƏ / TEXNOLOGİYA

Amerika Ticarət Palatası: Azərbaycanda internet tarifləri yüksəkdir

31585    |   2016-11-21 19:06
Şriftin ölçüsü:
A+ Böyütmək
A+ Balacalaşdır

Hazırda Azərbaycanda 1-ci səviyyəli iki İnternet Xidmət Provayderi olan "Delta Telecom” və "AzerTelecom” arasında qarşılıqlı əlaqə yoxdur, bu da xidmət səviyyəsinə öz mənfi təsirini göstərir və onların müştəriləri üçün informasiya təhlükəsizliyi ilə bağlı müəyyən risklər yaradır.

Adalet.az xəbər verir ki, bu barədə Azərbaycanda Amerika Ticarət Palatasının ("AmCham”) hazırladığı "Azərbaycanın biznes mühitinin təkmilləşdirilməsi üzrə müşahidə və tövsiyələr” ("Ağ sənəd – White paper”) adlı sənəddə, İnformasiya Kommunikasiya texnologiyaları ilə bağlı tövsiyələrdə bildirilir.

"AmCham”ın ölkə prezidentinə təqdim etdiyi sənəddə deyilir ki, Azərbaycanda internet tarifləri yüksəkdir: "Bu qarşılıqlı əlaqənin çatışmazlığı həmçinin ölkədə internet tariflərinin yüksək olmasının da səbəbi hesab olunur”.

"Ağ vərəq”də ötən ilin noyabrında "Delta Telekom”da baş vermiş qəza haqqında da məlumatlar yer alıb: "Hazırda Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyi (XRİTDA) dövlət qurumlarına 2-ci səviyyəli İnternet Xidmət Provayderi kimi xidmət edir. XRİTDA öz internet mənbəyini 1-ci səviyyəli İnternet Xidmət Provayderi olan "Delta Telecom” şirkətindən əldə edir. Ötən ilin 16 noyabr tarixində "Delta Telecom”da qəza baş verib və bunun nəticəsində dövlət qurumlarının internetlə təminatında dayanmalar olub. Tövsiyəmiz ondan ibarətdir ki, XRİTDA ehtiyat internet mənbəyinin olması üçün yuxarıda göstərilən 1-ci səviyyəli provayderlərin hər ikisindən istifadə etsin. Biz həmçinin ölkə üçün çox önəmli hesab olunan bəzi şirkətlərdə də ehtiyat mənbədən istifadənin tətbiqinin dövlət tərəfindən tənzimlənməsini də tövsiyə edirik. Həmçinin, ölkənin 2 birinci səviyyəli İnternet Xidmət Provayderi arasında qarşılıqlı əlaqənin yaradılması məsələsi ölkə üçün mühüm hesab olunur və bu işi gecikdirmək olmaz. Nəticədə ölkədə son istifadəçilər üçün internet tariflərinin azaldılmasına da müsbət təsir göstərəcək” – sənəddə qeyd olunur.




İmza:
SON XƏBƏRLƏR
11.10.2017
11.10.2017


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Bir adam orda-burda qadınlar haqqında danışıb dururmuş... "Dünyada pul ilə əldə edilməyəcək qadın yoxdu” deyirmiş...

Bir gün işi azıdıb:

"Mən Kraliçanı belə pulla əldə edə bilərəm. Yetər ki, qiymətini öyrənim!” demiş.

Söz dönüb dolaşıb Kraliçanın qulağına çatıb. Kraliça əsəbləşmiş və adamı çağırdıb:

-Sən belə belə dedinmi?

-Bəli əfəndim, dedim...

-Necə bunu deyə bilərsən ədəbsiz? Sənin kəlləni uçurdaram! Nə imiş mənim qiymətim?

-10 milyon euro, necədi əfəndim, yetərmi?

-Sus tərbiyəsiz, əxlaqsız adam!

-Hirslənməyin görkəmli Kraliçam... 100 milyon euro olsun...

Kraliça daha da əsəbləşmiş:

-Sən mənə necə qiymət verərsən? Kimsən axı?

Adam düşüncəli bir şəkildə başını qaşımış:

-Əsəbləşməyin əfəndim, bu sarayınızı qızıldan inşa edib sizə hədiyyə etsəm nə deyərsiz?

Kraliça birdən fikrə getdi:

-Səndə o qədər qızıl varmı?

Adam qanrılıb arxasında dayanan gözçətçiyə fısıldamış:

Kraliçanın da qiymətini tapdıq! İndi iş o qədər qızılı tapmağa qaldı!





digər lətifələr
ARXİV
FACEBOOK