Bulaşsın dərdlər palçığa - ŞEİRLƏR
Adalet.az gənc şair Orxan Saffarinin şeirlərini təqdim edir:
Yağış
Bu dəfə yağışa yazacam şeir
Qoy səni isidən bəndlərim olsun
Kaş ana təbiət eləsin sehir
kaş yuyulub gedən dərdlərim olsun...
Bulaşsın bu dərdlər bütün palçığa
Səndə bilmədən keçəsən ordan
Bir göyə baxasan, birdəki yerə
Mənim dərdlərimi seçəsən ordan...
Sonra uşaq kimi gələsən evə
Bütün üst başın dərdin içində
Anan kimi döyə kədərim səni
Səndə gizləsən qəlbim içində...
Elə gözəlsən ki
sən elə gözəlsən ki,
sənə gözəl deməyə dilim gəlməyir
sən elə gözəlsən ki,
gözəllər qədrini sənin bilməyir
sən elə gözəlsən ki,
gözəllik şam olub sənin qarşında
sən elə gözəlsən ki,
qalmayıb gözəllərin ağlı başında
sən elə gözəlsən ki,
çiçəklər açır səni görəndə
sən elə gözəlsən ki,
can alır insan səndən öləndə...
Qəzəl
Qırılıb lap camaat ölsə acından kimə nə?
Yoxdur zərrə qədər xeyrin umacağından kimə nə?
Lazım olan vaxtı səni görmədim yan yörəmdə
İndi qardaş de ginən ehtiyacından kimə nə?
Hər nə qədər danışsanda bizə qeyrətdən sən
Sonrada söyləyəsən fahişə bacımdan kimə nə?
Qoxla bəlkə küləkdən aldın yarın ətrini
Cananın cismi məndədirsə saçından kimə nə?
Mən şaham əyani əşrəfim mənim yanımdadır
Kimsə çün kölədir başda tacından kimə nə?