NASA-nın CƏHƏNNƏM AXTARIŞI - BİZ YERİNİ BİLİRİK
Deməli, NASA axtarıb və cəhənnəmi tapıb. Görünür, əvvəl-axır ora gedəcəklərini bildiklərinə görə yerini dəqiqləşdirmək istəyiblər. NASA-nın kəşfinə görə cəhənnəm Yerin özəyində yerləşir və orda da temperatur 6 min dərəcə civarındadı.
Amma NASA-nın axtarmağına ehtiyac yoxdur, biz cəhənnəmin yerini dəqiq bilirik. Özü də orda cəhənnəmlik olmayanları yandırırlar, yandıranlar da cəhənnəmlik olmalı olanlardı.
Hələ qiyamət gəlməmiş neçə illərdi cəhənnəm fəaliyyətə başlayıb: Hələb, Mosul, Kərkük, Kərbəla… bir sözlə, bəşəriyyətin ilk sivilizasiyası yarandığı Orta Asiya, Dəclə-Fərat sahilləri. İlk sivilizasiya orda yaranmışdı, deyəsən son sivilizasiya da orda məhv olacaq.