Facebook - fikirləri ifadə etmək üçün əsrarəngiz məkandır. Bir vaxtlar qətiyyən xəyalımıza gətirə bilmədiyimiz, keçmişə nəzərən möcüzəvi sayılan bu məkan, indi həyatımızın ayrılmaz bir parçasıdır. İnsanı bir cümləsindən belə tanıtdırmağı bacardığı üçün Facebook sosial şəbəkəsini sadəcə, alqışlamaq lazımdır. Həyatda necəsənsə, virtualda da o cürsən. Nə olsun ki, məkan dəyişikliyi var, sən ki həmin adamsan.

Yaz, səni tanıyım. Yazmaq elə danışmaqdır. İnsan öz-özünə danışdıqlarını yazır. Yazır və məhz onda daha dəqiq, daha səlis eşidilir.

Əziz dostlar, xüsusən də ictimai sferada tanınanlar, siz yazın, biz onları yayaq. Biz, yəni Adalet.az. Yayaq ki, yazdıqlarınız daha çox oxunsun, tanınsın. Necə varsa, elə də tanınmaq, bəlkə də insanın özünə arzuladığı ən böyük istəkdir.

                                                                       ***

Fuad Cəfərli:"Deyirlər 2017-ci ilin dəbi islaq şalvarlar olacaq. Deyəsən Marsa gedən o ilklərin bir də mən olacam...”

                                                                      ***

Zülfiyyə Quliyeva:"SOCAR Azəriqazın insafa gəlməsini gözləyirik qaz pitiminutkanı açsın ki, uşaqları yuyundurub yatıraq. Amma belə görürəm ki, Azəriqaz bu camaatı soyuqda, ac susuz qoymaqdan konkret ləzzət alır. Yerin altına vurduqları qazı bu camaat xəstələnib yerin altına getməmiş yerin üstünə çıxartmaq istəmirlər. Allah belə üz qarası olan bu qurumu bu camaata tezliklə çox görsün. Binəqədi kəndində M. Ələkbərov döngə birdə hamı odun tədarükünə başlayıb. Kimin həyət bacada lazımsız taxta-tuxtası var gətirsin bu ünvana. Camaat baha da olsa əl-əl axtarır. Qaz ixrac edən ölkənin odun axtaran bəxtəvərləriyik biz. Çölümüz rusu, gürcünü, içimiz özümüzü yandırır”.

                                                                      ***

Eldəniz Elgün:"Evin dammasını, ayaqqabının su buraxmasını görmüşdüm. Amma 3-cü mikrorayonun kruqunda körpünün düz ortasından yağış suyunun damması nədi, şırıltı ilə axmasını ilk dəfə görürdüm. Qabaq elə bildim məqsədli şəkildə belə ediblər. Sonra yaxından baxanda gördüm ki, yox əşi milli kəşflərimizdəndi. Su axan yerdə beton qatı 4-5 yerdən çatlayıb. Yəqin 1-2 ildən sonra kriminal xəbərlərdə bununla bağlı əlavə məlumatlar veriləcək”.

                                                                      ***

Almaz Qasımova:"Nə istəyirsiz e, hər gününüz macəra ilə keçir də, hansı ölkədə vətəndaşı bu qədər düşünürlər? Sizin üçün əllərindən gələni edirlər ki, macəralar olsun, həyatınız maraqlı keçsin, hələ də şikayətçisiz. Ölkəni Norveçə, İsveçə döndərmək istəyirsiz, hamı problemsizlikdən depressiyaya düşsün..Yağışdır da, romantika”.

                                                                      ***

Mahir Məmmədli:"Azərbaycanın kasıb vaxtlarında illərlə Gəncədə qaz olmadı. Hamı odun peçi yandırırdı. Qaz peçindən şkaf kimi istifadə edirdilər.

                                                                       ***

Mirvari Qəhrəmanlı:"Əgər mən "könüllü" pambıq yığmaq istəmirəmsə heç kəs mənə zorla pambıq yığdıra bilməz. Adamın canında "könüllülük" olmasa, ondan könüllü düzəldə bilməzlər!”

                                                                      ***

İndi də Bakıda olan qaz yox kimidir. Kasıbladıqmı yenə?”

                                                                         ***

Nigar Etibar:"Sən tok çaydanıyla su qızdır, min bir əziyyətlə saç yu, fenlə, blokdan çıxanda külək çətiri qaldırsın, leysan maaş qaldırmamaq üçün "əşşi, nə iş görürsüze" deyən müdirlər kimi bütün əməyini yerə vursun. Əsas odur kilsədə işləyənlərin qazı gəlsin, paklana bilsinlər, nə də olmasa onlar Allaha bizdən bir köynək yaxındırlar. Allah da bizim qazımızdan kəsib Rövnəq müəllimin qazına calasın, dinimiz amin!”

                                                                         ***

Ayşən Ağayeva: "Evde çalışmanın en güzel yanı ne bilormusunuz? Siz belə havada nervlənə-nervlənə işə gedirsiniz, yağış, gecikən avtobus lap əsəbiləşdirir sizi. Mən amma otaqdan otağa keçərək işə başlayıram”.

                                                                        ***

Mübariz Maxsudov: "Yağış yağanda şəhərin kanalizasiya lüklarından qaynayan suları gördüyümdə anlayıram və dərk edirəm ki, analoqu olmayan inkişaf bu olsun gərək!!!”

Sübhan Mahmudov