ANA SƏHİFƏ / AVTOMOBİL

Sürücülərin nəzərinə - Bu avtomobillərin istismarı qadağandır

83385    |   2016-10-15 15:29
Şriftin ölçüsü:
A+ Böyütmək
A+ Balacalaşdır

"Texniki cəhətdən qış mövsümünə hazır olmayan avtomobillərin istismarı qadağandır”.

Bunu Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) şöbə rəisi, polis polkovniki Kamran Əliyev bildirib.

K.Əliyev deyib ki, qış aylarında yollarda meydana gələ biləcək yol qəzaları və müxtəlif xoşagəlməz halların qarşısının alınması məqsəd ilə BDYPİ sürücülərə xəbərdarlıq edib:"Qış mövsümünün başlaması ilə əlaqədar sürücülər və avtomobil sahibləri nəqliyyat vasitələrinin texniki vəziyyətinə, avtomobillərin şinlərinə diqqət yetirməlidirlər”.

O qeyd edib ki, avtomobil şinləri protektorundakı naxışların qalmış hündürlüyü müəyyən olunmuş normalara cavab verməlidir:"Belə ki, minik avtomobilləri üçün şinlərin protektorlarındakı naxışların qalmış hündürlüyü 1,6 mm, yük avtomobillərində 1 mm, avtobuslarda 2 mm, motosiklet və mopedlərdə isə 0,8 mm-dən az olmamalıdır.

Həmçinin eyni ox üzrə müxtəlif naxışlı şinlərdən istifadə olunmamalıdır. Bu normalar gözlənilmədikdə həmin nəqliyyat vasitələrinin istismarı qadağan olunacaq və idarəetmədən kənarlaşdırılacaq. Sürücülərə tövsiyə olunur ki, texniki vəziyyəti nasaz olan, şinləri normalara cavab verməyən avtomobillərlə yola çıxmasınlar".

Şöbə rəisi vurğulayıb ki, sürücülər nəqliyyat vasitələrini qış mövsümü başlamamışdan əvvəl texniki baxışdan keçirməlidirlər:"Bütün nəqliyyat vasitələri texniki cəhətdən saz vəziyyətdə olmalıdır. Əsasən qış üçün təkər və işıq faraları uyğun hala gətirməli, silgəclərin vəziyyəti yoxlanılmalı, avtomobildə zəncir və dartı kəndiri olmalıdır. Bundan başqa, sürücülərin təqib məsafəsinə diqqət edərək məcbur qalmadıqca ötmə hərəkəti etməmələri, dumanlı hava şəraitində gündüz saatlarında yaxını göstərən faraları yandırmaları tövsiyə olunur”.

K.Əliyevin sözlərinə görə, sürücülər xüsusilə yağıntı düşən ərazilərdə sürət həddini meteoroloji və yoldakı şəraitə uyğun seçməlidirlər.


İmza:Report.az
SON XƏBƏRLƏR
2017-11-17


VİDEO





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Çelsi"yə qalib gələcəkmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Bir gün Molla Nəsrəddin meşədə odun qırarkən əl-ayağının soyuduğunu görüb, uzanır yerə. Bir neçə saatdan sonra çobanlar onu orada görüb, kəndə xəbər aparırlar. Camaat tabut götürüb gəlir ki, Mollanın ölüsünü aparsın. Ədəb-ərkanla kişini tabuta qoyub götürürlər. Bir az getdikdən sonra yol iki yerə ayrılır. Adamların arasında mübahisə düşür ki, hansı yol ilə getsinlər. Mübahisənin çox uzun sürdüyünü eşidən Molla tabutdan başını qaldırıb deyir:
- Mən diri vaxtımda həmişə bu yol ilə gedərdim.




digər lətifələr
ARXİV
FACEBOOK