Piyadanı vurub qaçan sürücü tutuldu
Sentyabrın 29-da saat 20 radələrində Binəqədi rayonu ərazisində müəyyən edilməmiş avtomobillə yolu keçən Bakı şəhər sakini Feliks Bayramov vurulub. Xəsarət alan piyada xəstəxanaya yerləşdirilib.
Adalet.az-ın Daxili İşlər Nazirliyinin saytına istinadən məlumatına görə, Binəqədi RPİ 7-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən "Kia” markalı avtomobilin sürücüsü - paytaxt sakini Emin Günəşli saxlanılıb.
Binəqədi RPİ tərəfindən araşdırma aparılır