Adalet.az gənc şairə Bənövşə Mahmudqızının şeirlərini təqdim edir:

 

Salam

Salam...­

Bir zamanlar­

Sevincli anlarım,­

Sual dolu sabahlarım.­

Keçmişim, keçmiş dərdlərim,­

Gələcək əziyyətlərim...­

Mən gəldim ­

Sizlərlə üzləşməyə­

Anlayan yox,­

Sadəcə dərdləşməyə...­

Başlayıram şübhəyə­

Ona, buna, mənliyimə,­

Daxilimdə kimliyimə.­

Sual verdim, kiməm deyə...­

Cavab aldım bir qəribə.­

-Cəhənnəm sakini deyə...­

Bu dünyanın odunda mən­

Yanıram ki, ey Rəbb zatən.­

O dünyada yanmaq qismət...­

Bircə yol var - dəyişmək !­

Günahlarla güləşmək,­

Tövbələrə tutunmaq,­

Günahlardan yuyunmaq...­

Bir qərar qoy ağlıma,­

Sonda məni ağlatma,­

Yanlış yola saptırma,­

Qoyma səni unudam !­

Sən də məni unutma !­

Sanırdım ki mən bu an,­

Tamam başqa mətləbdən­

Yazacağam sən demə­

Ey Rəbbim, şükür hələ,­

Sevgili yarımsan sən,­

Yenə də mənimləsən !­

 

 

 

Bataqlıq gülü

Körpədir, dünyadan hələ xəbərsiz,

Elə ki bir azcıq böyüdü körpə,

Arzular kök saldı o körpə qəlbə.

TanımazdI kini, nə də ki dərdi.

Hələ ki ömrünün fəsli bahardı,

Hətta o nağıllara da inanardı.

Görünməz bir qüvvə hey uçurumdan,

Atardı bu qızı heç acımadan,

Oyanardı qorxu ilə yuxudan.

Yuxudan xəbəri hansı çocuğun?!

Fələyin, taleyin xəbərdarlığı

Çəkəcək əzabın ağırlıqları...

İnsanlar özünü artıq göstərir...

Uşaqlığından bu qara qüvvələr,

İyrənc fikirlərlə hey onu izlər...

Sığmaz insanlığa gördüyü vəhşət.

Sadəcə diləyi təmiz sevgiydi,

Bəmbəyaz gəlinlik tək diləyiydi...

Bağlandı birinə sevgitək bildi.

Yapışdı qəlbinə sanki bir zəli,

Heyf ki bu qızı eylədi zəlil...

Bəyaz vərəqləri indi ləkələr...

Nə zaman o görər kiçik qönçələr

Puç olmuş arzular yadına düşər...

Bülbülləri ilə sevər, sevilər...

Mənim qəhrəmanım Bataqlıq Gülü,

Görmədi özünü sevən bülbülü.

 

 

 

Şeirlərimin küçəsi

 

 

Guya sən kimi sevdin?!

 

Sənin körpən qız doğulub.­

Öncə dərin fikrə daldım,­

Tanrıdan təsəlli aldım­

Sevindim vallah sevindim­

Sənin qızındı sevincim­

Çünki bildim və bilirəm­

Adım kimi mən əminəm­

Sənin balaca sərçən,­

Bəli balaca körpən­

Sənin mənə verdiyin,­

Yəniki bəxş etdiyin ­

Sevinci,xoşbəxtliyi­

Bəmbəyaz gəlinliyi­

Bəxş edəcək o sənə­

Dərs verəcək o sənə­

Bəxtlərin ən qarasın­

Bədbəxtliyin əlasın­

Yaşadacaq o sənə­

Gülə gülə üzünə.­

Qurban olacaq yenə­

Sənin bütün səhvinə­

Amma övlad bənzəməz­

Digərləritək keçməz­

Övlad sənin canındır­

Övlad sənin qanındır.­

Bəli, böyük qurbandır­

Onu da qurban etdin...­

Guya sən kimi sevdin ?!!!­

 

 

Bir az sərxoş

 

İçimə-içimə çəkirəm ­

Dərdlərimi...­

Bir siqaret tüstüsü kimi­

İçimə-içimə hopur­

Dərdlərim...­

İçimə-içimə çəkdikcə, ­

İçimə-içimə hopduqca,­

İçimdə simləri gərdikcə,­

İçimdə simlər qopduqca...­

Susqunluq içində bir hayqırış,­

Qürurun içində bir yalvarış,­

Ucalar göyə...­

Çəkilər ərşə...­

Çəkilər ərşə yuxum...­

Coşar şairliyim,­

Şairliyin timsalında pərilərim,­

Yuxularıma yasaq qoyar,­

Məni oyaq saxlar,­

Yazdırar, yazdırar...­

Tufan qopar...­

Bu dünyadan deyiləm mən!­

Bu dünyanın deyiləm mən!­

Bu dünyaya yasağam,­

Mən toydayam,­

Yasdayam...­

Bədbəxtəm, xoşbəxtəm,­

Ən doğrusu sərxoşam...­

Dərdlərimin sərxoşu,­

Bu dünyanın naxoşu...­

Bir az sərxoş, bir az naxoş,­

Ax mənə necə də xoş!­

Qalanı boş...­

Qalanı boş...­

 

 

YALQUZAQ

 

Oldu bir qaçaq...

Sevincdən qaçaq, 

Sevgidən qaçaq...

O, indi tənha qalacaq...

Hə, içində bir ümid,

Ümid yaşayacaq.

Amma tənha olacaq...

Qalmaq istəsə də

Kədərdən uzaq,

Qalmaq istəsə də 

O, dərddən uzaq

Bacarmır, bacarmaz 

Bu *yalquzaq !

Bəhanə axtarır...

Xoşbəxtlik üçün,

Xəbəri yox, bir qapı açıbdır

Bədbəxtlik üçün...

Gülümsəmək üçün

Yağışı, günəşin doğuşu,

Havadakı o xoş qoxu

Bəhanə olmuş ona...

Və o yana-yana 

Yağışda bir gülür, 

Bir ağlayır...

Axı onun içi sızlayır !

Kaş o gülüşün həqiqi ola, 

Yaralarının təbibi ola...

Düşünərkən " nə dərdim var? "

Kaş dərdin olmaya, 

Olmaya....