Zakir Həsənov səfirlə görüşdü
Müdafiə naziri general-polkovnik Zakir Həsənov avqustun 25-də Moldovanın Azərbaycandakı səfiri George Leuka ilə görüşüb.
Bu barədə Adalet.az-a Azərbaycan Müdafiə Nazirliyinin mətbuat xidmətindən məlumat verilib. Görüşdə Azərbaycan ilə Moldova arasında ikitərəfli münasibətlərin uzun illər ərzində müxtəlif istiqamətlərdə, o cümlədən hərbi, beynəlxalq təşkilatlar çərçivəsində əməkdaşlıq və digər sahələrdə uğurla inkişaf etdiyi vurğulanıb.
Azərbaycan-Moldova əməkdaşlığının, xüsusilə hərbi sahədə yeni istiqamətlərinin müəyyənləşdirilməsinin vacibliyini qeyd edən müdafiə naziri bunun üçün geniş imkanların olduğunu deyib.
General-polkovnik Z.Həsənov regiondakı hərbi-siyasi vəziyyət barədə danışdıqdan sonra səfirin Azərbaycandakı diplomatik fəaliyyəti dövründə iki ölkə arasında əlaqələrin inkişafı işinə töhfə verəcəyinə əminliyini ifadə edərək ona fəaliyyətində uğurlar arzulayıb.
Diplomat isə iki ölkə arasında hərbi sahədə əməkdaşlığın inkişaf etdirilməsi üçün böyük potensialın olduğunu vurğulayıb və əlaqələrin daha da genişləndirilməsi istiqamətində səylərini əsirgəməyəcəyini bildirib.
Digər Xəbərlər
19 Aprel 2024 17:22
Vilayət Eyvazov Kollegiya iclası keçirdi - FOTOLAR
19 Aprel 2024 11:19İsmayıllıdakı bazarda nöqsanlar aşkarlandı
19 Aprel 2024 10:17“ASAN xidmət” BMT ilə yeni layihəyə başlayır
18 Aprel 2024 15:06Vardanyanla bağlı Norveç Nobel Komitəsinə AÇIQ MƏKTUB
18 Aprel 2024 13:39