Şeir və mahnılardan bu sözlər çıxarılmalıdır!
Sözün
insan psixologiyasına və aqibətinə təsiri dəfələrlə sübut olunub. Amma hər dəfə
də sözün qüdrəti nəinki sıravi insanları, hətta alimləri də heyrətləndirib. Bir
qrup filoloq və psixoloq heyəti araşdırmalardan sonra belə qənaətə gəlib ki, təkcə
adi danışıqda deyil, şeir və mahnı mətnlərində də ağır, bədbinlik aşılayan
sözlərdən uzaq olmaq lazımdır. Hərçənd şairlər demiş, "dərd olmasa, şeir əmələ
gəlməz”, poeziya daha çox bədbin ruhda yazılar. Amma madam ki, psixologiyamıza
təsir edir, gərək şairlər Moşu Göyəzənli kimi "xoşbəxtliy”ə qafiyə axtarsınlar.
Mütəxəssislər
həmçinin pis təsirli sözləri də saf-çürük ediblər. Bundan sonra "yandırmaq
(yanmaq), kül”, "qışqırmaq, bağırmaq, fəryad etmək”, "iblis, şeytan, ruh, mələk”,
hətta "nəfəs almaq, sıxılmaq, boğulmaq” kimi sözləri şeirlərdən çıxarmaq
lazımdır. Ən azından, belə şeirlərdən uzaq gəzilməlidir. Hər halda, alimlər
poeziyanı məhv etmək üçün toplaşmayıblar, bizim yaxşılığımızı istəyirlər.