Fazil İskəndərə heykəl qoyulacaq, adına küçə veriləcək
Suxumidə
tanınmış yazıçı Fazil İskəndərə heykəl qoyulacaq, həmçinin həmin küçə də
yazıçının adını daşıyacaq. Adalet.az Rusiya mətbuatına istinadən məlumat verir.
Qeyd
edək ki, Fazil İskəndər iyulun 31-də 88 yaşında Moskva ətrafındakı bağ evində dünyasını
dəyişib.
"Bundan
başqa, Qudaut rayonunun Mqudzırxua kəndində Fazilin doğulduğu evdə yazıçının ev
muzeyi yaradılacaq. Bura yazıçının bütün dünyadan olan oxucuları vaxtaşırı gələ
biləcəklər”, – deyə Abxaziya prezidentinin mətbuat katibi Raul Hacımba bildirib.
Xatırladaq
ki, anası abxaz, atası fars olan Fazil Əbdül oğlu İskəndər Suxumidə doğulub,
onun atası SSRİ-dən 1939-cu ildə deportasiya edilib. Rus dilində təhsil almış İskəndər 1990-cı
ilə qədər doğma Abxaziyada yaşayıb, fəaliyyət göstərib. Sonra Moskvaya köçüb.
Yazıçıya şöhrət gətirən ilk əsəri 1966-cı ildə dərc etdirdiyi "Kozlotur bürcü”
povesti olub. Bundan başqa, doğma kəndindən bəhs etdiyi "Çeqemli Sandro” və
müxtəlif şeirlər toplusu da yazıçını çoxsaylı oxucuya sevdirib.