Yay aylarında qida zəhərlənmələri artıb.

Adalet.az-ın Region TV-yə istinadən xəbərinə görə, son vaxtlar qarpızdan zəhərlənənlərin sayı digər məhsullara nisbətən daha çoxdur. Bu halın yaranmasının əsas səbəbi isəqarpıza qədərindən daha çox gübrənin verilməsidir. Həkimlər bu bostan bitkisinin, kəsilməzdən əvvəl, yaxşıca yuyulmasını məsləhət görürlər. Kəsildikdən sonra qarpızın daxilində ağ və ya sarı zoğların olduğu ortaya çıxarsa, onun yeyilməsi tövsiyə olunmur. Rəngi dəyişmiş qarpızın yeyilməsi də insan sağlamlığı üçün təhlükəli ola bilər.

Gəncə şəhərinin Baş İnfeksionisti İradə Dəmirovanın sözlərinə görə, belə xəstələr mütləq həkim nəzarətində olmalıdır: "Belə xəstələrin mütləq mədələri yuyulub, bağırsağı təmizlənməlidir. Bundan sonra intoksikasiyanı götürmək üçün lazım gələrsə, vena daxilinə infuziyalardan istifadə edirik. Bəzi hallarda antibiotiklərdən də istifadə edə bilərik, əgər lazım gələrsə”.