adalet.az header logo
  • Bakı 9°C
  • USD 1.7
29 Iyun 2016 21:52
6595
İDMAN
A- A+

FİFA Canni İnfantino ilə bağlı araşdırmaya başlayıb

FİFA-nın Etika Komitəsi təşkilatın prezidenti Canni İnfantinoya qarşı ilkin araşdırmalara başlayıb. Apasport.az saytının məlumatına görə, qurum rəhbəri federasiyanın vəsaitini şəxsi maraqları üçün istifadə etməsində günahlandırılır.

 

Bu barədə məlumat yayan Almaniyanın "Frankfurter Allgemeine Zeitung” qəzeti iddia edir ki, araşdırma İnfantinonun şəxsi təyyarə uçuşu ilə bağlıdı. Belə ki, mayın 28-də keçirilmiş Çempionlar Liqasının finalından sonra FİFA rəhbəri ailəsi ilə birgə təyyarə ilə Milandan Romaya, sonra isə Cenevrəyə uçub. Onun səfəri şəxsi xarakter daşıyıb. Lakin federasiyada uçuşların ödənilməsi üçün İnfantinonun hansı vəsaitdən istifadə etdiyini bilmirlər. FİFA-nın rəsmi şəxsləri nəşr üçün bu məlumatı şərh etməkdən imtina ediblər.

 

Daha əvvəl isə qəzet məlumat yaymışdı ki, İnfantino FİFA-nın xəzinəsindən ən azı 14 min avronu şəxsi məqsədləri üçün xərcləyib. Dərginin məlumatına görə, qurum rəhbəri federasiyanın vəsaiti ilə trenajor, döşək, kostyum, gül və butslar alıb. Həmçinin bildirilir ki, o şəxsi maşını və FİFA sürücüsü ilə bərabər üçüncü avtomobildən də istifadə edib. Bu avtomobil isə əsasən prezidentin ətrafda olan şəxsləri gəzdirib. Çünki o özü İsveçrəyə nadir hallarda gəlib.

 

Qeyd edək ki, İnfantino fevralda FİFA-nın prezidenti seçilib. O, bu postda Yozef Blatteri əvəzləyib.